Сэлэнгэ аймгийн Сүхбаатар суманд 70 МВт-ын хүчин чадалтай ДЦС-ыг “Райд Монголиа” ХХК барьж буй билээ. Тус станцын технологийн анхны галыг 2026 оны наймдугаар сарын 8-нд асаалаа.
Эрчим хүчний сайд Б.Найдалаа “Удахгүй ашиглалтад оруулах энэ станц нь цахилгаан болон дулааны чадлын дутагдлыг нөхөхөд хувь нэмэр оруулах, хараат байдлыг бууруулахад нөлөөтэй. Энэхүү төсөлд гар бие оролцож буй хүн бүхэнд баяр хүргэе” хэмээв.
Улаанбаатар хотоос 311 км-ийн зайд барьж буй уг станц тус бүр 35 МВт турбингенератортай хоёр блок зуухтай байх юм. Станцад жилд 489.2 сая кВт.ц цахилгаан үйлдвэрлэн, 440.2 сая кВт.ц цахилгаан, 373 мянган Гкал дулаан түгээхээр тооцоолж байна.
Барилга угсралтын ажлыг 2024 оны тавдугаар сарын 1-нд эхлүүлсэн бөгөөд өвлийн оргил ачааллаас өмнө буюу ирэх аравдугаар сард багтаан ашиглалтад оруулахыг зорьж буй. Сэлэнгэ аймгийн хэрэглээг хангах тус ДЦС-ын барилга угсралтыг Камбож улсын МITIME групп түлхүүр гардуулах нөхцөлтэй гүйцэтгэж байна. Энэхүү станцад шинэ техник, технологи суурилуулахыг зорьж байгаа бөгөөд Монгол Улсад анх удаа карбон яндан ашиглах аж. Буулгаж, угсардаг ийм яндан ашиглах нь байгаль орчинд ээлтэй юм.
Хамба лам Х.Баасансүрэн: Аз жаргалтайгаар хохир
АН-ынхан өөрсдөдөө хэрэгтэй гэж үзвэл хууль зөрчөөд ч хамаагүй "тоглоомын дүрмийг" өөрчилж байна
Эрх баригчид С.Ганбаатарыг боловсролоор нь "барьцаалсан уу"
ЭМС-ын сайдыг АН дотроосоо томилж, МАХН-ын гурван сайдын квотыг М.Сономпил, С.Оюун, С.Дэмбэрэл нарт хувааж өгөхөөр тохирчээ
Сэтгэгдэл ()
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд манай байгууллага хариуцлага хүлээхгүй.