АНУ-ын Ерөнхийлөгч Дональд Трамп ирэх сарын эхээр Туркт болох НАТО-гийн гишүүн орнуудын удирдагчдын дээд хэмжээний уулзалтад оролцоно гэж тус улсын Төрийн нарийн бичгийн дарга Марко Рубио лхагва гарагт мэдэгджээ.
Д.Трамп тус эвсэлд сэтгэл дундуур байгаа хэдий ч уг уулзалтад оролцоно гэж М.Рубио хууль тогтоогчдод мэдэгдсэн байна.
Тэрбээр хэлэхдээ, "Америкийн Нэгдсэн Улс НАТО-гийн гишүүн хэвээр байгаа бөгөөд бид эдгээр бүх асуудлыг хэлэлцэхээр Туркт очих болно. Ерөнхийлөгч өөрөө НАТО-гийн орнуудын төрийн тэргүүн нарын ээлжит уулзалтад оролцож, бүх асуудлыг тодорхой болгоно" гэжээ.
"Долоодугаар сард Туркт болох ээлжит уулзалт НАТО-гийн түүхэн дэх хамгийн чухал уулзалт болж магадгүй гэж би бодож байна. Учир нь тэнд тодорхой болгож, цэгцлэх шаардлагатай хэд хэдэн асуудал бий" гэж М.Рубио хэлсэн байна.
НАТО-гийн дээд хэмжээний уулзалтыг зохион байгуулах давтамж нь тус эвслийн 77 жилийн түүхийн явцад янз бүр байж ирсэн боловч удирдагчид 2021 оноос хойш жил бүрийн зун уулзаж байгаа бөгөөд энэ жил долоодугаар сарын 7, 8-ны өдрүүдэд Туркийн нийслэл Анкара хотноо уулзана.
Украины дронууд “Путины Давос” эхлэхийн өмнө довтлов
Саудын Арабад кино хийвэл зардлын 60 хувийг буцаан олгоно
Орос хар ламын хар тамхины хэргийн эргэн тойронд ...
Америкийн зэвсэгт хүчин Иранд дахин цохилт өгчээ
Сэтгэгдэл ()
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд манай байгууллага хариуцлага хүлээхгүй.