Монгол Улсын Үндсэн хуулийн цэцийн 2026 оны 5 дугаар сарын 08-ны өдрийн дунд суудлын хуралдаанаар Монгол Улсын Ерөнхийлөгчийн тухай хуулийн 6 дугаар зүйлийн 1 дэх хэсэг Монгол Улсын Үндсэн хуулийг зөрчсөн эсэх маргааныг хянан хэлэлцлээ.
Өнөөдрийн хуралдааныг Үндсэн хуулийн цэцийн дарга Г.Баясгалан даргалж, Ж.Эрдэнэбулган, Д.Гангабаатар, О.Мөнхсайхан, Б.Энхтуяа нарын бүрэлдүүнтэйгээр хуралдаж, мэдээлэл гаргагч иргэн Д.Отгонбат болон УИХ-ын итгэмжлэгдсэн төлөөлөгч УИХ-ын гишүүн Ц.Сандаг-Очир нар оролцов.
Тус хуралдаанаас Монгол Улсын Ерөнхийлөгчийн тухай хуулийн 6 дугаар зүйлийн 1 дэх хэсэгт “Ерөнхийлөгчийн бүрэн эрхийн хугацаа Үндсэн хуулийн гучдугаар зүйлийн 2 дахь хэсэгт зааснаар 4 жил байна.” гэж заасны “… 4 жил …” гэсэн нь Монгол Улсын Үндсэн хуулийн Гучдугаар зүйлийн 2 дахь хэсгийн “Ерөнхийлөгчөөр … зургаан жилийн хугацаагаар зөвхөн нэг удаа сонгоно.” гэснийг зөрчсөн гэж шийдвэрлэж, Үндсэн хуулийн цэцийн 2026 оны 04 дүгээр дүгнэлтийг гаргав. Уг дүгнэлтээр Монгол Улсын Ерөнхийлөгчийн тухай хуулийн 6 дугаар зүйлийн 1 дэх хэсэгт “… 4 жил …” гэж заасныг мөн өдрөөс эхлэн түдгэлзүүлсэн байна.
Бусдын бус өөрсдийн хагаралд анхаараач МАН-ынхан!
Элбэгдоржийн “хэрэг”
О.Цогтгэрэл: АН-ын ялалт, бадралын он цагийг эхлүүлэхийн тулд өнөөдөр генсек, дэд даргаа томилох шаардлагатай
Х.Ганхуяг: Иргэдийн амьжиргааг яаж сайжруулах, эдийн засгаа хэрхэн тэлэх вэ гэдэгт анхаарч байгаа нэг ч “амьтан” алга
Сэтгэгдэл ()
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд манай байгууллага хариуцлага хүлээхгүй.