БНСУ-ын ГХЯ-наас Монгол дахь ЭСЯ-нд шалгалт хийхээр шийдвэрлэжээ
БНСУ-ын Гадаад хэргийн яам/ГХЯ/-наас Монгол улсад суугаа БНСУ-ын ЭСЯ-ыг төсвийн хөрөнгийг зүй бусаар ашигласан хэрэгт сэжиглэн аудитын шалгалт хийх ажлыг яаравчлах шийдвэр гаргажээ.
БНСУ-ын Гадаад хэргийн яам нь тус ЭСЯ-ны элчин сайд Жонг Жэ Нам-ыг орон нутгийн түвшинд виз олголтын үйл явцад шударга бусаар хандсан, виз мэдүүлэгчийн хураамжийг хувьдаа завшсан, тус яамны ажилчидтай зүй бусаар харьцаж үг хэлээр доромжилдог, БНСУ-ын Гадаад хэргийн яаманд хуурамч тайлан илгээхийг шаардан дарамталдаг зэрэг хэрэгт буруутгаж байгаа юм байна.
Аудитын шалгалт хийх үндсэн шалтгаан нь тус улсын элчин сайд Жонг Жэ Нам нь ЭСЯ-ны төсвийн хөрөнгөөр өөрийн эгчдээ усан онгоцны буудал барих зөвшөөрөл олгосон гэдэг мэдээллийн эх сурвалж байсан бөгөөд БНСУ-ын Үйлдвэрчний эвлэлүүдийн холбоо/ҮЭХ/-нд олон удаа хуурамч тайлан, мэдээлэл илгээхийг ажилтнуудаас шаардан дарамталж иржээ.
БНСУ-ын ҮЭХ-ны зүгээс элчин сайдыг Монгол улсын виз мэдүүлэгч иргэдэд шударга бусаар хандан, виз зуучлагч нартай үгсэн хуйвалдаж удаа дараа хөндлөнгөөс нөлөөлж байсан гэж мэдүүлсэн байна.
БНСУ-ын Гадаад хэргийн яам Монгол улсад суух ЭСЯ-нд хийх шалгалтын ажлыг даруй эхлэхээ мэдэгдсэн бөгөөд аудитын дүгнэлт гарсан даруйд холбогдох арга хэмжээг яаравчлан авахаа мэдэгджээ.
Путин, Ши нар олон зүйл дээр санал нэгдсэн ч байгалийн хийн хоолойн төсөлд ахиц гарсангүй
Ормузын хоолойд гацсан хөлөг онгоцуудыг гаргаж эхэлнэ
Атлантын далайд зорчиж буй аяллын хөлөг дээр хантавирусийн халдвар гарсны улмаас гурван хүн нас баржээ
Орос, Украины талууд 2 тусдаа гал зогсоох шийдвэр зарлав
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд манай байгууллага хариуцлага хүлээхгүй.