Гэр бүлээрээ үзэх шинэ бүтээл "Би Нар"

Монголын кино ертөнцөд нэгэн шинэ бүтээл “family drama” буюу гэр бүлийн “Би Нар” уран сайхны кино нээлтээ хийлээ.

Тус кино нь Д.Нацагдоржийн болон Ч.Лодойдамбын нэрэмжит шагналт зохиолч М.Эрдэнэбатын зохиол бөгөөд ерөнхий найруулагчаар Ж.Сэнгэдорж, ерөнхий продюсер жүжигчин А.Өнөржаргал нар ажилласан байна. Дөрөвдүгээр сарын 5,6-ны өдрүүдэд сурагчдын 4 дүгээр улирлын амралт эхлэхтэй зэрэгцэн нээлтээ хийсэн "Би нар" кино нь 3 бүлэгтэй, 3 өөр цаг үеийн амьдралыг харуулсан бүтээл болжээ.

1990-ээд оны үеийн хот, хөдөөгийн амьдрал зэргийг ойлгомжтойгоор харуулсан учир өсвөр насныхныг аав ээжийнхээ хүүхэд, бага насыг ойлгоход тустай юм. Мөн цахим орчин, компьютер тоглоомын сөрөг талуудыг үзүүлж, цахим донтолтын хор уршгийг ойлгоход тустай бүтээл болжээ.

1. Кино 3 бүлэгтэй, 3 өөр цаг үеийн амьдралыг харуулах боловч бүлэг бүрийн дүрүүд хоорондоо холбоотой.

2. 1990-ээд оны үеийн хот, хөдөөгийн амьдрал, ахуй байдлын онцлог зэргийг ойлгомжтой байдлаар харуулсан учраас өсвөр насныхныг аав ээжийнхээ хүүхэд, бага насыг ойлгоход тустай.

3. Цахим орчин, компьютер тоглоомын хэт их хэрэглээний сөрөг талуудыг ойлгомжтой байдлаар дүрслэн үзүүлсэн. Цахим хэрэглээний цар хүрээ хязгаараа алдсан энэ цаг үед хүүхэд, дүү, ач зээ нартаа үглэхийн оронд үлгэрлэж киног үзүүлсэн нь цахим донтолтын хор уршгийг нь ойлгож авахад харьцангуй нөлөөтэй гэдэгт итгэлтэй байна.

4. Кино таныг дурсамжийн ертөнцөөр аялуулна. Бидний үед тэгдэг байж билээ, ингэдэг байсан гэж мянга хэлэхийн оронд нэг удаа үзүүл гэдэг байх аа.

5. Киног гэр бүлээрээ ямар ч тээнэглзэх зүйлгүйгээр үз. Танай гэр бүлд хэзээ ч мартагдахгүй дурсамж үлдээх нь гарцаагүй. Амьдрал бол ахин дурсагдах өдрүүд гэдэг шүү дээ.

6. Generation difference буюу үеийн ялгаа бидний соёл, ахуй, ааш араншинд хамгаас хүчтэй нөлөөлдгийг бид мэднэ. Тэгвэл өнөөгийн өсвөр настнуудад сэтгэл зүйн ямар асуудлууд тулгардаг талаар мэдлэг, мэдээллийг кино өгч чадна.

7. Хөгжилтэй, инээдтэй хэсгүүд олон тул нас, хүйс, ажил мэргэжил, өндөр нам, өргөн нарийн гэх мэтчилэн ямар ч хүн үзсэн уйдахгүй.

8. Гоё кино үзээд зогсохгүй гэр бүлээрээ гадаадад аялах хонжворт сугалаа таныг хүлээж байгааг эцэст нь дуулгая.