Олон улсын хөлбөмбөгийн холбооны /ФИФА/ “Алтан бөмбөг” шагналыг аваагүй гээд би үхэхгүй, би нэр төрийн төлөө бус харин аз жаргалын төлөө хөлбөмбөг тоглодог гэж “Барселона” клубын довтлогч Неймар хэлсэн байна.
“Хөлбөмбөгийн хамгийн дээд шагналд нэр дэвшсэн гурван хүний нэг болоогүйдээ би гайхаагүй. “Алтан бөмбөг” шагнал бол урам зоригийн эх үүсвэр мөн боловч би энэ шагналыг аваагүй гээд үхэхгүй шүү дээ” гэж тэрбээр “La Liga” цахим хуудсанд өгсөн ярилцлагадаа дурджээ.
Неймар өнгөрсөн онд “Алтан бөмбөг” шагналд нэр дэвшсэн боловч түүний багийн анд Лионель Мессид уг шагналыг олгосон билээ. Ингэснээр Месси "Алтан бөмбөг"-ийг тав дахь удаагаа хүртсэн юм.
Харин энэ оны “Алтан бөмбөг” шагналд Лионель Месси, Криштиану Роналду, Антуан Гризманн нар нэр дэвшиж, Криштиану Роналду шагналын эзэн болсон билээ.
"Шагналаас гадна би аз жаргалтай байхыг хүсдэг, би одоо "Барселона"-д аз жаргалтай байна. Би “Алтан бөмбөг”-ийн эзэн болсон ч бай, болоогүй ч бай юу ч өөрчлөгдөхгүй. Би шагналын төлөө хөлбөмбөг тоглодоггүй. Би аз жаргалтай байхын төлөө тоглодог. Энэ шагналыг нэг л тамирчин авах боломжтой" гэж Неймар ярьжээ.
Д.Нямтулга
Эх сурвалж: Монцамэ
Криштиан Роналду ДАШТ-ий түүхэнд 6 тэмцээнд гоолдсон анхны тоглогч боллоо
SENZU буюу М.Азбаяр нь “The MongolZ” багийн харьяаллаас албан ёсоор гарч буйг зарлажээ
3х3: Монголын баг ДАШТ-ий эхний хожлоо авлаа
Жүдо бөхийн Австралийн аварга шалгаруулах тэмцээнээс Монголын тамирчид дөрвөн медаль хүртэв
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд манай байгууллага хариуцлага хүлээхгүй.