СЭНГҮР брэнд 200 шилдэг харилцагчдадаа ХӨРГӨГЧ, 1500 харилцагчид ГАРЫН БЭЛЭГ хүргүүлж талархлаа илэрхийллээ

Сэнгүр брэндийн хамт олон шинэчлэлийн үйл ажиллагааныхаа хүрээнд үнэнч харилцагчдаа мөн мартаагүй. Олон жил хамтран ажилласан 200 шилдэг харилцагчдадаа шинэ хөргөгч, 1,500 хэрэглэгчдэдээ гарын бэлэг хүргүүлж бүтээгдэхүүнээс гадна үнэт харилцаа, хамтын амжилтыг эрхэмлэдэг гэдгээ бодитоор талархлаа илэрхийллээ. Түүнчлэн 800 гаруй харилцагчдаа хамруулсан брэндийн шинэчлэлээ танилцуулсан эвэнт арга хэмжээ зохион байгуулж, брэндийн шинэчлэл, цаашдын хөгжлийн чиглэлээ албан ёсоор танилцуулсан нь харилцагч болон хэрэглэгчидтэйгээ харилцах шинэ шатны эхлэл болжээ.

Амтны шинэчлэл + Харилцааны шинэ шат

Бүтээгдэхүүний шинэчлэлийн хүрээнд Сэнгүр брэндийн амтыг хэрэглэгчийн хүсэл, зах зээлийн өөрчлөлтөд нийцүүлэн илүү зөөлөн, цэвэр, чимчгэнэсэн амттай болгож, гашуун байдлыг 40%-иар бууруулсан нь зах зээлд эерэг хүлээлтийг бий болгоод байна.

Хэрэглэгч төвтэй шинэчлэл: Стратегийн талархлын бодит илэрхийлэл

Маркетингийн судалгаануудын (Harvard Business Review, 2023) үр дүнгээс харахад, хэрэглэгчдийн 71% нь өөрийг нь үнэлдэг, ойлгодог брэндийг дахин сонгодог хандлагатай байдаг. Иймд Сэнгүр брэндийхэн судалгааны мэргэжлийн байгууллагуудтай хамтран 1000 гаруй хэрэглэгч, 100 харилцагч, 100 худалдааны төлөөлөгчийг хамарсан нүүр тулсан ярилцлага бүхий нарийвчилсан судалгааг хийжээ. Судалгааны үр дүнд Сэнгүр брэндийн өмнө тулгарч буй асуудлуудыг нарийвчлан тодорхойлж, шинэчлэлийн ажлын гол чиглэл, шийдлүүдийг хэрэгжүүлэх үндэс сууриа баталгаажуулсан байна.

Ийнхүү хэрэглэгч болон харилцагчдын хүсэл, шаардлага, хэрэгцээг нэлээн тусгасан шинэчлэлийг 2025 ондоо хийж байгаагаас гадна  Сэнгүр брэндийн цаашдын хөгжлийн стратеги, бодлогодоо мөн тусгаснаа онцолжээ.  

Цаашдын чиглэл: Инновац, хүртээмж, хамтын хөгжил

СЭНГҮР брэндийн зүгээс цаашид ч хэрэглэгч, харилцагчдадаа:

• Илүү үнэ цэнтэй, чанартай, инновацлаг бүтээгдэхүүн санал болгох
• Шинэлэг, хүртээмжтэй шийдлүүдийг тогтмол нэвтрүүлэх
• Харилцан хүндлэлд суурилсан хамтын хөгжлийг дэмжих зорилго тавин ажиллах юм.

СЭНГҮР брэнд нь хэрэглэгч, харилцагчдаа сонсдог төдийгүй үнэлдэг, хамтран хөгжих ирээдүйг хамтаар төсөөлдөг тогтвортой, нээлттэй хандлагатай брэнд гэдгээ энэхүү үйлдлээрээ батлан харууллаа.