УКРАЙН: Гуравдугаар сарын 12. Сүүлийн хоногийн гол үйл явдлын хураангуй

- Украины олон хотод шөнийн турш агаарын дайралтын дуут дохио сонсогдов.

- Киев мужийн Боварский дүүргийн Квитневе тосгоныг шөнийн цагаар буудсаны улмаас хөлдөөсөн бүтээгдэхүүн хадгалах агуулах шатсан гэж Улсын онцгой байдлын албанаас мэдээллээ. Одоогоор хохирол мэдээлээгүй байна.

- Бямба гарагийн шөнө  Чернигов хотын төвд байрлах "Украина" зочид буудал  бөмбөгдөлтөд өртөж сүйрчээ. 

- Киевийн мэдээлснээр, дайны 16 дахь өдрийн байдлаар 700 орчим оросын цэрэг офицер Украинд олзлогдсон байна. Зеленский бууж өгсөн Оросын цэргүүдтэй  олон улсын конвенцийн дагуу харьцаж байгаа гэжээ. 

- НАТО болон түүний түншүүд Норвегид цэргийн сургуулилт хийхээр төлөвлөж байна.  Сургуулилт  гуравдугаар сарын 14-ний даваа гарагт эхэлнэ. 

- НАТО-гийн энэ жилийн хамгийн том сургуулилт болох "Cold Response-2022"-д 27 орны 30 мянган цэрэг, 200 нисэх онгоц, 50 хөлөг онгоц оролцоно.

- Спортын олон нийтийн Strava сүлжээ болон Deutsche Bank Орос дахь үйл ажиллагаагаа зогсооно гэдгээ мэдэгдлээ. Colgate-Palmolive компани Орос руу бараа  бүтээгдэхүүн импортлох, хөрөнгө оруулалт хийхээс татгалзахаар шийджээ.

- Face тайзны нэрээрээ алдаршсан реппер Иван Дремин Оросыг орхиж, цаашид тэнд тоглолт хийхгүй гэдгээ мэдэгджээ. Мөн тэрээр Оросын төрийн үйлдлийн төлөө украинчуудаас уучлалт гуйж, Оросын армийг үйлдлээ ухаарахыг уриалсан байна.