Европын Төв банк Украинд болж буй дайн, эрчим хүчний эх үүсвэрүүдийн үнэ хурдацтай өсөж байгаатай холбогдуулан еврогийн бүсийн инфляцын талаарх таамаглалаа эрс өсгөв.
Энэ онд инфляцын дундаж түвшин 5.1 хувьтай байна гэж Европын Төв банк гуравдугаар сарын 10-ны пүрэв гарагт мэдээлсэн байна. Өнгөрсөн 12 дугаар сард Европын Төв банк 2022 онд еврогийн бүсийн инфляцыг 3.2 хувьтай байна гэж таамаглаж байжээ.
“Орос, Украины дайн болон үүнээс үүдэлтэй эрчим хүч, түүхий эдийн үнийн өсөлт болон олон улсын худалдааны саатал нь эдийн засгийн идэвхжил, инфляцад мэдэгдэхүйц нөлөө үзүүлнэ. Энэхүү сөрөг нөлөөллийн цар хүрээ мөргөлдөөн цаашид хэрхэхээс шалтгаална” гэж Европын Төв банкны дарга Кристин Лагард мэдэгдсэн байна.
Европын Төв банкны шинжээчид энэ онд еврогийн бүсийн ДНБ-ий өсөлтийг ердөө 3.7 хувьтай байна гэж таамаглаж байна. ДНБ энэ онд 4.2 хувиар өсөх төлөвтэй байна гэж тус банк өнгөрсөн 12 дугаар сард мэдээлж байв.
Эх сурвалж: Montsame.mn
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
