Орос, Украин өнөөдөр болох  сайд нарын хэлэлцээрт бэлдэж байна

Орос, Украины Гадаад хэргийн сайд нарын хэлэлцээ гуравдугаар сарын 10-ны пүрэв гарагт буюу өнөөдөр Туркийн Анталья хотод болно. Энэхүү  хэлэлцээрийн өмнө талууд юу ярьсныг хүргэж байна. 

Украины ГХЯ-ны сайд Дмитрий Кулеба:

"Оросын Гадаад харилцааны сайд Лавровтой хэлэлцээ хийхээр бэлтгэж байна. Маргааш бид уулзана. Хэлэлцээг аль болох үр дүнтэй болгохын тулд маш нухацтай ажиллаж байна. Гэхдээ ний нуугүй хэлэхэд хэлэлцээрээс хүлээх хүлээлт хязгаарлагдмал байна Би тэдэнд хэт их хүлээлт үүсгээд байгаа юм биш, гэхдээ бид дээд зэргээр шахах нь дамжиггүй.

Бидний сонирхол бол гал зогсоож, газар нутгаа чөлөөлөх, гурав дахь нь мэдээж хүмүүнлэгийн асуудлыг ямар нэг болзолгүйгээр бүх талаар шийдэх тухай юм. Үүнээс бид ямар үр дүн гаргаж,  юу хожих вэ гэдэг нь өөр асуудал бөгөөд ноён Лавров эдгээр хэлэлцээнд ямар арга хэрэгсэл, зааварчилга даалгавартай оролцохоос энэ бүхэн шалтгаална. Түүнийг энэхүү хэлэлцээнд суртал ухуулгын зорилгоор биш Орос улсын эхлүүлсэн энэ дайныг таслан зогсоох шийдлийг үнэхээр эрж хайсан сайн санааны үүднээс хандана гэж найдаж байна гэжээ.

ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков:

"Оросын тал хэлэлцээг үргэлжлүүлэх сонирхлоо хадгалсаар байна. Оросын байр суурь бол туйлын тодорхой нарийвчлан томъёолсон бөгөөд Украины хэлэлцээнд оролцогчдын анхааралд хүргэсэн. Украйны хэлэлцээнд оролцогчид бэлэн болмогц бид шинэ шатны хэлэлцээр явуулах сонирхолтой байна. 

"Гадаад хэргийн сайд нарын уулзалт бол хэлэлцээрийн үйл явцын маш чухал үргэлжлэл юм. Өөрсдийгөө урьтал болгохгүй.  Уулзалтаа хүлээцгээе." гэжээ.

Эх сурвалж: ВВС