УКРАИН: Гуравдугаар сарын 8-ны өдрийн гол үйл явдал

- Украин, ОХУ-ын зохицуулсан Сумигаас Полтава руу нүүлгэн шилжүүлэх ажиллагаа эхэлсэн. Мөн Мариуполь руу хүмүүнлэгийн цуваа илгээснийг эх сурвалж баталжээ.

- Москва хүмүүсийг Орос руу явахыг урьж байна. Гэхдээ энэ замыг цөөн хэдэн хүн сонгодог. 

- Дайны улмаас Украиныг орхин гарсан дүрвэгсдийн тоо хоёр сая давсан гэж НҮБ  мэдээлэв.

- 2014 онд Майдан дахь үйл явдлын дараа эх орноо орхин гарсан Украины Ерөнхийлөгч асан Виктор Янукович Ерөнхийлөгч  Владимир Зеленскийд ханджээ. Тэрбээр "Таныг олон  зөвлөхтэй гэдгийг би маш сайн ойлгож байгаа ч хувь хүнийхээ хувьд цус урсгах явдлыг ямар ч үнээр хамаагүй таслан зогсоож, энхийн хэлэлцээрт хүрэх үүрэгтэй  гэж үзэж байна” гэж илгээлтдээ дурджээ.

- Зеленский  Украинчуудад хандан видео илгээлт хүргэв. Тэрбээр ""Энэ өдөр бид баярын мэнд хүргэдэг байлаа. Харин өнөөдөр энэ үгийг хэлж чадахгүй. "Агаарын довтолгооноос болж иргэд нас барж байгаагийн буруутан нь мэдээж Оросын цэргийнхэн. Гэхдээ Барууныхан 13 хоногийн турш, Украины тэнгэрийг хааж хамгаалж чадсангүй "гэж тэр хэлэв.

- Орос улс Европ руу нийлүүлэх хийгээ хаана гэж сүрдүүлэв. Европын холбооны  нийт нийлүүлэлтийн 40%-ийг бүрдүүлдэг Оросын хийг хэрэглэхээс татгалзах төлөвлөгөөг Европын комисс танилцуулахаар бэлтгэж байна. Тэд "Энэ нь амаргүй байх болно. Гэхдээ  боломжтой" гэв.

- Лондонд дэлхийн томоохон орны удирдагчид Оросын эсрэг авах шинэ хориг арга хэмжээг хэлэлцэж эхлэв. ОХУ-т эдүгээ Умард Солонгос, Ираны эсрэг авч байгаагүй том хориг  тогтоогоод  байна. 

- Украин Дэлхийн банк болон зарим хандивлагч орнуудаас 500 сая долларын яаралтай тусламж авлаа. Мягмар гарагийн шөнө мөнгийг хуваарилсан. 

Эх сурвалж: ВВС