H&M болон Oracle нар ч мөн адил Оросыг орхилоо

Дэлхийн томоохон компаниуд Оросыг орхисоор байна. Тоёота, Фольксваген болон бусад автомашин үйлдвэрлэгчдийн араас Mercedes-Benz компани ОХУ-д автомашины үйлдвэрлэл, нийлүүлэлтээ зогсоож байгаагаа зарлалаа.

Дэлхийн хувцасны жижиглэнгийн худалдааны хамгийн том  компани  H&M Орос дахь бүх борлуулалтаа түр зогсоох шийдвэр гаргаснаа зарлалаа. Шведийн компани энэ шийдвэрээ "Украинд болсон эмгэнэлт үйл явдал"-тай холбон тайлбарлав. Пүрэв гарагийн өглөө хэвлэл мэдээллийн хэрэгслээр Оросын янз бүрийн хотуудын худалдааны төвүүд ийн H&M-ийн хаагдсан дэлгүүрүүдийн зургийг нийтэлжээ.

Мөн дэлхийн хамгийн том програм хангамж хөгжүүлэгчдийн нэг Oracle Орос дахь үйл ажиллагаагаа  түр зогсоож байгаагаа зарлав. Энэ тухай Украины Дижитал өөрчлөлтийн сайд Михайло Федоров "Дэлхий даяарх 150,000 ажилтныхаа нэрийн өмнөөс  Украины засгийн газар, ард түмнийг дэмжин бүх үйл ажиллагаагаа аль хэдийн зогсоосон" гэж твиттер хуудсандаа бичжээ.

Streaming үйлчилгээний  Spotify компани  Орос дахь салбараа тодорхойгүй хугацаагаар хаасан тухай Ройтерс агентлаг мэдээллээ. Гадаадын мэдээллийн технологийн аварга компаниудын "десант"-ын тухай Оросын хуулийг хэрэгжүүлэх ажлын хүрээнд Spotify-ын төлөөлөгчийн газар сар хүрэхгүй хугацааны өмнө нээгдэж байв. 

Долоо хоногийн турш дэлхийн томоохон брэндүүд Оростой хамтран ажиллах боломжгүй гэдгээ зарласан клипаниуд

Энэ хооронд Өмнөд Солонгос АНУ-ын Худалдааны яамтай хориг арга хэмжээний талаар зөвлөлдөж, автомашин, ухаалаг гар утас, гэр ахуйн цахилгаан хэрэгсэл нь олон нийтийн хэрэглээнд зориулагдсан тул үргэлжлүүлэн нийлүүлнэ гэж мэдэгджээ.