УКРАЙНЫ ЭРГЭН  ТОЙРОН: Орос  хэлэлцээ хийх төлөөлөгчдөө илгээхэд бэлэн гэдгээ мэдэгдэж,  Киев хамгаалалтын байдалд шилжив

Өчигдөр  буюу Баасан гарагийн оройн 21.00 цагийн /Улаанбаатарын цагаар/  байдлаар Украйны эргэн тойронд болж байгаа гол үйл явдлыг тоймлон хүргэж байна. 

Ерөнхийлөгчийн хэвлэлийн нарийн бичгийн дарга Дмитрий Песков хэлэхдээ, Орос Украинтай хэлэлцээ хийхээр Минск руу төлөөлөгчдөө илгээхэд бэлэн байна.

Тэрбээр "Өнөөдөр Украины Ерөнхийлөгч Зеленский Украины төвийг сахих статусын талаар хэлэлцэхэд бэлэн байгаагаа мэдэгдсэнийг та бүхний мэдэж байгаа. ОХУ-ын Ерөнхийлөгч Владимир Путин эхний ээлжинд уг ажиллагааны зорилго нь Донекц болон  болон Луганскт туслах, тэр дундаа зэвсэгт хүчнээс  ангижруулах хийх замаар туслах явдал гэж мэдэгдсэн. Энэ нь үнэн хэрэгтээ төвийг сахисан байдлын салшгүй бүрэлдэхүүн хэсэг юм.

Энэ хүрээнд Зеленскийн саналын хариуд Владимир Путин Батлан ​​хамгаалах яам, Гадаад хэргийн яам болон Ерөнхийлөгчийн тамгын газрын  төлөөлөгчдийг Украины төлөөлөгчидтэй хэлэлцээ хийхээр Минск руу илгээхэд бэлэн байна. 

Украины Ерөнхийлөгчийн Тамгын газар өнөөдөр өглөө Киевт аюулгүй байдлын баталгаа өгөх нөхцөлтэйгөөр төвийг сахисан яриа хэлэлцээ хийхэд бэлэн гэж мэдэгдсэн боловч энэ мэдэгдлийг Зеленский өөрөө биш, харин түүний  засаг захиргааны даргын зөвлөх хийсэн юм. 

Үүний дараа нь Ерөнхийлөгч Владимир Зеленский өөрийн биеэр Владимир Путиныг "хүмүүс амт үрэгдэж байгааг зогсоохын тулд хэлэлцээрийн ширээний ард суухыг" уриалсан юм.

Оросын Батлан ​​хамгаалах яам Киевийг барууны талаас нь хааж байгаагаа зарлав

Оросын Батлан ​​хамгаалах яам баасан гарагт Оросын агаарын десантын цэргийн үндсэн бие бүрэлдэхүүн Киевийн ойролцоох Гостомелийн нисэх онгоцны буудалд газардаж, өмнөх өдөр нь нисэх буудлыг эзэлсэн шүхэрчидтэй дахин нэгдсэн гэж мэдэгдэв.

Оросын Батлан ​​хамгаалах яам Украины тал 200 хүний ​​хохирол амссан гэж мэдэгдэв. Харин  Оросын шүхэрчдийн дунд ямар ч хохирол гараагүй байна.

Гэвч Украины тал нисэх онгоцны буудлын төлөөх тулалдаанд амь үрэгдсэн Оросын цэргийн албан хаагчдын тоог мөн адил 200 хүн гэж тооцоолж байв. Нэмж дурдахад, Украин Оросын талаас 34 нисдэг тэрэг оролцсоны гурвыг нь сөнөөж, Орос 200 нисдэг тэрэгтэй байсан  гэж мэдэгджээ.

Орос десантын бүлгийг үндсэн хүчтэй нэгтгэснээр Киевийг баруун талаас нь хаах боломжтой болсон гэж Оросын Батлан ​​хамгаалах яам мэдэгдэв.

"Одоогийн байдлаар Агаарын десантын цэргийн үндсэн хүчин Гостомелийн аэродром дахь Оросын десантын ангиудтай нэгдэж, Киев хотыг баруун талаас нь хааж байна" гэж Оросын Батлан ​​хамгаалах яамны хэвлэлийн төлөөлөгч Игорь Конашенков хэлснийг Интерфакс иш татжээ. Украины тал энэ мэдээлэлд одоогоор ямар нэгэн тайлбар хийгээгүй байна.

 Киев хамгаалалтын үе шатанд орлоо

Киев хотын дарга Виталий Кличко Украины нийслэл хамгаалалтын үе шатанд орлоо гэж мэдэгдэв.

"Хот хамгаалалтын байдалд бүрэн орлоо. Одоо Нийслэл хотын зарим газарт буун дуу, дэлбэрэлт сонсогдож байна. Украины арми оросуудын хорлон сүйтгэх бүлгүүдийг саармагжуулж байна. Харамсалтай нь эдгээр хорлон сүйтгэх бүлгүүдийн зарим нь Киевт аль хэдийн нэвтэрсэн байна" гэж Кличко хэлэв.

Украины арми Киевийн эргэн тойронд хамгаалалт хийж байна. Нөхцөл байдал хүнд байна. Гэхдээ бид зэвсэгт хүчиндээ итгэж байна. Бид тэднийг дэмжиж байна, бид тусалдаг. гэв

Тэрээр нийслэлчүүдэд хандан гэр, байрнаасаа гарахгүй байх, хоол хүнсээ нөөцлөхийг уриаллаа.