УКРАИН: Үйл явдал хэрхэн үргэлжилж байна вэ /цагалбар/

16.40. Украины армийн техникийн хохирлын тухай  Орос мэдээлэв

Баасан гарагт Оросын Батлан ​​хамгаалах яамнаас  Украины армийн техникийн хохирлын талаар мэдээлэв. Эвдэрсэн дэд бүтцийн жагсаалтад:

Цэргийн нисэх онгоцны буудал 11
Украины Зэвсэгт хүчний командын пост, холбооны төвүүд 13
С-300, Оса зенитийн пуужингийн систем 14 
Радарын станц  36
Байлдааны нисэх онгоц, 5
Нисдэг тэрэн 1
Дрон 5
Танк болон бусад хуягт байлдааны машин 18 
Олон хөөргөх пуужингийн систем 7 
Цэргийн тусгай машин 41 нэгж
Байлдааны завь 5 
Украины армийн жанжин штаб энэ мэдээлэлд одоогоор тайлбар хийгээгүй байна.

13:41. Оросын танкууд Киев рүү хөдөлж байна

Украины армийн жанжин штабын "Украинская правда" сонины эх сурвалж баасан гарагийн өглөө Оросын танкууд Чернобылийн ослын бүсээс Киевийн зүг хөдөлж байгаа тухай мэдээлжээ. Хожим нь Жанжин штаб эдгээр мэдээллийг албан ёсоор баталгаажуулсан.

Украины цэргийнхэн  цувааг  Тетерев голын гүүрийг дэлбэлж Иванков  суурингийн ойролцоо зогсоосон байна.

Үүний зэрэгцээ, CNN болон NBC News-ийн мэдээлснээр, АНУ-ын конгрессын гишүүд оролцсон уулзалтын үеэр АНУ-ын Зэвсэгт хүчний штабын дарга нарын нэгдсэн хорооны дарга, генерал Марк Милли Оросын арми Киевээс 20 миль (ойролцоогоор 32 километр) зайд байна гэж мэдэгджээ.

12.40. Оросын цэргийн техникүүд Сумы хотоос Киевийн зүг хөдөлж байна
Сума хотын захиргааны дарга Дмитрий Живицкийн хэлснээс иш татан Оросын цэргүүд Сума мужийн Конотоп, Ахтырка хотуудыг бүслэн Киев рүү чиглэн явж байна гэж мэдээлэв.

Үүний зэрэгцээ Украины хуурай замын цэргийн командлал Сума хотын ойролцоо болж байгаа тулааны талаар мэдээлжээ. 

11.50:  НАТО яаралтай хуралдахаар болжээ

НАТО Киевийн цагаар баасан гарагийн 16:00 цагт Украины нөхцөл байдлын асуудлаар  дээд хэмжээний уулзалт  хурал яаралтай зарлаж байна гэж Интерфакс мэдээллээ. 

11.30 цаг:  Орон сууцны барилга пуужингийн хэлтэрхийд  оногдож гурван шархадсан

Киев хотын дарга Виталий Кличко хэлэхдээ, Киев хотын орон сууцны байшин пуужингийн хэлтэрхийл оногдож, гурван хүн шархадсаны нэгнийх нь биеийн байдал хүнд байна.

Байшин шатаж байна, нурах аюул байна" гэж Кличко хэлэв.

10.45 цаг: Франц Украинд тусалж, Оросын эсрэг өөрийн хориг арга хэмжээ авна

Францын Ерөнхийлөгч Эммануэль Макрон Украинд цэргийн техник нийлүүлэх болсноо зарлав. Мөн Украинд Францаас 300 сая еврогийн санхүүгийн тусламж үзүүлнэ гэж амаллаа.

Үүнээс гадна Франц улс Румынд цэргийн хүчээ байршуулах ажлыг түргэтгэх бодолтой байна.Мөн Европын холбооноос зарласан хориг арга хэмжээнээсээ гадна Франц Оросын эсрэг өөрийн арга хэмжээг хэрэгжүүлэх болно гэж Макрон мэдэгдэв.

 

9:54 цаг: АНУ Украины дүрвэгсдийг хүлээн авахад бэлэн байна

АНУ Украины дүрвэгсдийг хүлээн авахад бэлэн байна гэж Цагаан ордны хэвлэлийн нарийн бичгийн дарга Жен Псаки мэдэгдэв.

"Гэхдээ тэд дийлэнх нь Европ болон хөрш зэргэлдээ орнууд руу явах хүсэлтэй байгаа нь гарцаагүй. Жишээлбэл, сүүлийн 24 цагийн хугацаанд дүрвэгсдийн урсгал  Польш руу үлэмж  нэмэгдсэн" гэж тэр нэмж хэлэв.

09.50 цаг: Оросын 450 цэрэг, офицер алагдсан гэх мэдээллийг Киев өгөв

Украины Ерөнхийлөгчийн Тамгын газрын даргын зөвлөх Алексей Арестовичийн хэлснээр, дайны эхний өдөр Оросын тал ихээхэн хохирол амссан.

"Дайны анхны өдөр тэдний хохирол 7 нисэх  онгоц, 7 нисдэг тэрэг, 30 гаруй танк, 130 гаруй хуягт машин байна. Хамгийн консерватив тооцоогоор (мөн манай тагнуулын мэдээллээр) дор хаяж 450 цэрэг, офицер алагдсан. (Зөвхөн Гостомелийн ойролцоо бид тэднийг хоёр зуугаас цөөнгүй цэргийг  устгасан" гэж Арестович хэлэв.

Түүний хэлснээр Оросын хорь гаруй цэрэг олзлогдсон байна. Халдлага үйлдэгсдийн тал орчим хувь нь хугацаат цэргийн алба хаагчид байна  гэж Украины Ерөнхийлөгчийн зөвлөх мэдэгдэв.

 

 09.20 цаг: Киевт Дээд Ерөнхий командлагчийн штаб байгуулагдав
Украины Ерөнхийлөгч Владимир Зеленский Дээд ерөнхий командлагчийн штаб байгуулах тухай зарлигт гарын үсэг зурлаа.

Ерөнхийлөгч Зеленский өөрөө штабын даргаар, Үндэсний аюулгүй байдал, батлан ​​хамгаалах зөвлөлийн нарийн бичгийн дарга Алексей Данилов зохицуулагчаар томилогдов.

Үүнд Украины Ерөнхий сайд, Зэвсэгт хүчний янз бүрийн ангиудын командлагч, хууль сахиулах болон онцгой байдлын газрын дарга нар  энэ штабт багтжээ.

 

2022.02.25. 09.00 цагийн байдлаар

-Украинд бүх нийтийн дайчилгаа зарлаад байна.  Украины 18-60 насны эрэгтэйчүүдийг тус улсаас гарахыг хориглосон байна.

-Ерөнхийлөгч Зеленский Украины 137 иргэнийг нас барсан гэж мэдэгдэв. Мөн 316 хүн шархаджээ
-Дайныг эсэргүүцсэн жагсаал Оросын 54 хотод болж, 1700 гаруй хүнийг баривчилсан байна.
-Киевийн ойролцоох Гомостел нисэх онгоцны буудлын төлөө ширүүн тулаан үргэлжилж байна. 
-АНУ, Их Британи, Япон, Европын холбоо Оросын банк, агаарын тээврийн компаниуд болон Оросын элитүүд, тэдний төрөл төрөгсдийн эсрэг шинэ хориг арга хэмжээ авлаа.

 2022.02.24 орой

Хоёрдугаар сарын 24-ний өглөө Орос Украины нутаг дэвсгэрт цэргээ орууллаа. ОХУ-ын Ерөнхийлөгч Владимир Путин болж буй үйл явдлыг тусгай ажиллагаа гэж нэрлэсэн бөгөөд түүний зорилго нь саяхан Орост хүлээн зөвшөөрөгдсөн, өөрсдийгөө тунхагласан Донбассын бүгд найрамдах улсуудыг хамгаалах явдал юм.

Хоёр тал энгийн болон цэргийнхний хохирлын талаар мэдээлж байна. Гэхдээ Орос улс хохирлынхоо талаарх мэдээллийг баталгаажуулаагүй байна.

BBC яг одоо мэдэгдэж байгаа үйл явдлын талаар мэдээлж байна.

Дайны үйл ажиллагаа

• Өглөөний зургаан цагийн орчимд Оросын холбооны телевизүүд Украины нутаг дэвсгэрт цэргийн ажиллагаа явуулж эхэлснийг зарласан.
• "Цус урсгасан бүх хариуцлагыг Украины дэглэм хүлээх болно" гэж Путин хэлэв. Тэрээр Украины цэргийнхнийг зэвсгээ хураахыг уриалсан байна.
• Донецкийн "ардын цэрэг" Эдуард Басурин хэлэхдээ "Нэгдүгээр даалгавар нь Донецк, Луганск мужуудын засаг захиргааны хил хязгаарыг бүрэн хяналтдаа авч, Украйны улс төрчдийн буулган дор байгаа хүмүүсийг суллах явдал гэж” эж мэдэгдэв. .  Оросын ажиллагаа эхлэхээс өмнө Донецк Луганскийн  нутаг дэвсгэрийн гуравны нэг орчмыг Украин хянаж байв.
• Путины уриалгын дараа Киев, Одесса, Харьковт дэлбэрэлт болсон тухай мэдээлэл, дүрс бичлэг цацагдсан. Дараа нь Оросууд Украины нисэх онгоцны буудлуудад пуужингийн цохилт өгч эхэлсэн нь тодорхой болов.
• Украины арми болон хэвлэл мэдээллийн хэрэгслүүдийн мэдээлснээр өчигдрийн 13:00 цагийн байдлаар Харьков мужид байлдааны ажиллагаа үргэлжилж байв.
• Украины цэргийн объектуудыг пуужингаар довтолж эхэлсний дараа ОХУ-ын Батлан ​​хамгаалах яам "Өндөр нарийвчлалтай зэвсэг нь Украины зэвсэгт хүчний цэргийн дэд бүтэц, агаарын довтолгооноос хамгаалах байгууламжууд, цэргийн нисэх онгоцны буудал, нисэх онгоцыг устгаж байна" гэж РИА Новости агентлаг мэдээлэв. 

• Украины зэвсэгт хүчний мэдээлснээр, Оросууд Борисполь, Озерный, Кулбакин, Чугуев, Краматорск, Чорнобаевцы нисэх онгоцны буудлууд руу пуужингийн цохилт өгсөн байна. Мөн Украины баруун хэсэгт, Польшийн хилээс 200 километрийн зайд орших Ивано-Франковск хотын нисэх онгоцны буудлын ойролцоо дэлбэрэлт болсон байна.

 

• Удалгүй ОХУ-ын Батлан ​​хамгаалах яам Украины агаарын довтолгооноос хамгаалах системийг устгаж, Украины нисэх буудлуудын цэргийн дэд бүтцийг устгасан гэдгээ мэдэгдэв. Гэвч Украины тал энэ мэдээллийг батлаагүй.
• Украины хилийн алба өглөөний таван цагийн орчимд Оросууд Беларусийн зэвсэгт хүчний дэмжлэгтэйгээр довтолсон гэж мэдээлэв. Гэвч Беларусийн Ерөнхийлөгч Александр Лукашенко цэргийнхэн энэ ажиллагаанд оролцоогүй, гэхдээ ОХУ-ын Ерөнхийлөгч хүсэлт гаргавал нэгдэхэд бэлэн байна гэж мэдэгджээ.
• 00 цагийн орчимд Украины Хилийн алба Оросын цэргүүд хилээр нэвтэрч, Киев мужийн нутаг дэвсгэрт нэвтэрсэн тухай мэдээлэв. Мөн Беларусийн нутаг дэвсгэрээс Житомир мужийн хилийг нэвтрэхийн тулд Оросын техник хэрэгслийг ашиглаж байна гэж мэдээлэв.

Цэргийн болон энгийн иргэдийн хохирол

Амь үрэгдсэн цэрэг болон алдсан техник хэрэгслийн талаарх Орос, Украины мэдээлэл өөр байна. Украины хуурай замын хүчний төлөөлөгч Оросын таван  нисэх онгоцыг Луганск мужид буудаж унагасан гэж мэдэгдэв. Оросын Батлан ​​хамгаалах яам эдгээр мэдээллийг "худлаа" гэв.

 Мөн Украины жанжин штаб Харьковын чиглэлд Оросын 50 цэрэг амиа алдсан гэж мэдээлэв. Харин ОХУ-ын Батлан ​​хамгаалах яамнаас ямар нэгэн хохирол амсаагүй гэлээ.

Украины тал 40 гаруй хүний ​​хохирол амссан гэж Украины Ерөнхийлөгчийн Тамгын газар мэдээлэв. Энэ талаар шинэ мэдээлэл ирээгүй байна.

Москвагийн бирж 10 орчим хувийн уналттай нээгдэв

Өчигдөр өглөөний долоон цагт Москвагийн бирж 10 орчим хувиар үнэ нь огцом уналтаар нээгдэв. Нээлтийн үеэр долларын ханш 84 рубль, евро 95 байсан. Оргил үедээ долларын ханш 89 рубль байсан бол 13:00 цаг гэхэд дахин 84 болж, мөн цагт Москвагийн биржийн индекс гуравны нэгээс илүү хувиар буурсан байна.

Агаарын тээврийн нислэгүүд цуцлагдав

Оросын болон гадаадын агаарын тээврийн компаниуд Оросын өмнөд хэсэгт хийх нислэгээ цуцаллаа. ОХУ-ын өмнөд хэсгийн 12 нисэх онгоцны буудал 3-р сарын 2 хүртэл үйл ажиллагаагаа зогсоолоо. Эдгээр нь Ростов, Краснодар, Анапа, Геленджик, Элиста, Ставрополь болон Симферополь, Белгород, Брянск, Орел, Курск, Воронеж хотын нисэх онгоцны буудал юм.

Украин нийт нутаг дэвсгэр дээрээ иргэний нислэгийг хязгаарлаад байна.

Украины эрх баригчид болон барууны улстөрчид юу гэж хэлэв

-Украины Ерөнхийлөгч Владимир Зеленский Оросыг нацист Германтай харьцуулж, Оростой дипломат харилцаагаа тасалж байгаагаа мэдэгдэв. хаасан. Мөн тэрээр Дээд Радад бүх нийтийн дайчилгааны тухай хуулийн төслийг өргөн мэдүүлэв.

 - НҮБ-ын Ерөнхий нарийн бичгийн дарга Антонио Гутерриш Путиныг ухаан орж, "энх тайван байдалд  боломж олгохыг" уриалав.

- АНУ-ын Ерөнхийлөгч Жо Байден “Путин санаатайгаар дайныг сонгосон  гэж мэдэгджээ. "Энэ халдлагад хүргэх үхэл, сүйрлийн хариуцлагыг зөвхөн Орос л хүлээх бөгөөд АНУ, түүний холбоотнууд болон түншүүд нэгдэж  шийдэмгий хариу өгөх болно" гэж Байден хэлэв. Үүнээс өмнө тэрээр АНУ ямар ч тохиолдолд Оростой цэргийн сөргөлдөөнд орохгүй гэж мэдэгдэж байв.

- Холбооны гишүүд удахгүй уулзаж, Оросын үйл ажиллагааны талаар хэлэлцэнэ гэж НАТО мэдэгдэв. АНУ болон түүний холбоотнууд Оросын эсрэг бүрэн хэмжээний хориг арга хэмжээ авах бодолтой байна гэж CNN Цагаан ордны хэвлэлийн төлөөлөгчөөс иш татан мэдээллээ.

- Европын холбоо мөн Оросын эдийн засгийн стратегийн салбаруудад нөлөөлж, нарийн технологи, зах зээлд нэвтрэх эрхийг нь хаах шинэ хориг арга хэмжээ авна гэж Еврокомисс мэдэгдэв.

-Их Британийн Ерөнхий сайд Борис Жонсон Зеленскийтэй утсаар ярьсныхаа дараа "Ерөнхийлөгч Путин Украинд ямар ч үндэслэлгүй дайралт хийснээр цус урсгаж, сүйрлийн замыг сонгосон. Их Британи болон манай холбоотнууд эрс шийдэмгий хариу өгөх болно" гэж мэдэгджээ.