Монголын үндэсний спортын VII наадмын өвлийн төрлийн тэмцээн (мөсөн шагай, мөсний сур харваа) “Асем вилла”-гийн хойно орших Туул голын мөсөн талбайд болж байгаа билээ.
Тус наадам дөрвөн жил тутамд зохион байгуулагддаг бөгөөд энэ жилийн наадамд 30 баг (21 аймаг, есөн дүүрэг)-ийн нийт 426 (мөсний шагай харваанд 126, мөсний сур харваанд 300) харваач цэц мэргэнээ сорьж байна.
Мөсний шагай харвааны багийн төрөлд Үлэмж гарамгай дархан мэргэн Л.Жамсранжав ахлагчтай Архангай аймгийн баг түрүүлсэн бол дархан мэргэн Д.Ууганбаяр ахлагчтай Чингэлтэй дүүрэг, улсын хошой мэргэн Д.Батсайхан ахлагчтай Баянзүрх дүүргийн баг удаалав.
Харин мөсний сур харвааны цуваа харваанд Завхан аймгийн Тосонцэнгэл сумын харьяат, залуу харваач Н.Доржготов 20 сумнаас 20 онож, алтан медаль хүртлээ. Удаах байрт Багахангай дүүргийн тамирчин Н.Алтансүх, Дархан-Уул аймгийн харваач Т.Ихтамир нар оров.
Өнөөдөр тус тэмцээн өндөрлөх бөгөөд мөсний шагай харвааны цуваа харваа, мөсний сур харвааны багийн шигшээ тоглолт болж, нийлбэр дүн гарна.
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
