Энэ сарын 22-нд болох Э.Цэндбаатарын тулааныг "TSENDBAATAR 2022.02.22" фэйсбүүк группээр шууд үзэх боломжтой

МУГТ, мэргэжлийн боксын WBA Asia Champion бүсийн эзэн Э.Цэндбаатар болон ОУХМ Цагдаагийн Хүч спорт хорооны тамирчин Г.Баярхүү нар энэ сарын 22-ны өдрийн 22 цагт ОХУ-д мэргэжлийн дэвжээний ээлжит тулаанаа хийхээр бэлтгэл сургуулилтаа базааж байгаа юм.

Э.Цэндбаатарын хувьд мэргэжлийн боксын гурав дахь тулаанаа хийх гэж байгаа бөгөөд одоогоор 2-0 (1КО) амжилттай бол түүний өрсөлдөгч 38 настай Азербайжаны Рауф Агаев мэргэжлийн дэвжээнд 47 тулаан хийж 33-14(15КО) амжилттай.

Харин Г.Баярхүүгийн хувьд мэргэжлийн боксд нэг тулаан хийж Хятадын тамирчныг нокаутаар ялж байсан бол түүний өрсөлдөгч мөн мэргэжлийн дэвжээнд нэг тулаан хийж ялагдал хүлээгээд буй Орос тулаанч Хикмет Гараев юм.

Манай хоёр тамирчны тулааныг Юнивишн, Скаймедиагаар шууд дамжуулна. Мөн сошиал орчинд Э.Цэндбаатар өөрийн албан ёсны фэйсбүүкийн хаалттай групп-дээ шууд дамжуулалт хийхээ өөрийн олон нийтийн сүлжээгээр мэдэгдлээ.

Тэрбээр хэлэхдээ “2022 оны 2-р сарын 22-ны олон хоёрын тоо давхацсан энэхүү билэгт сайн өдөр 22 цагт Г.Баярхүү бид хоёрын мэргэжлийн тулаан ОХУ-ын Москва хотод болох гэж байна. Монголын ард түмэндээ энэхүү тулаанаа хамгийн хямд үнээр хүргэхээр TSENDBAATAR 2022.02.22 гэсэн нэртэй групп нээсэн байгаа. Та бүхэн Хаан банкны 5123094030 Цэндбаатар гэсэн дансанд ₮2200 төгрөг шилжүүлж, гүйлгээ баталгаажсан зургаа /Гүйлгээний утга дээр fb нэрээ бичих/ энэхүү пэйжийн мессежрүү 22-ны 22 цагаас өмнө илгээгээрэй. Группрүүгээ нэгдэх хүсэлт явуулахаа битгий мартаарай. Та бүхний дэмжлэгт гүнээ талархаж явдаг шүү. Баярлалаа” хэмээв. https://www.facebook.com/groups/313169467518840/