Шүүгчийн алдаанаас болж “оноогоо идүүлж” ялагдсан Алтан Дорнодын “Дайчид” баг шаардлагыг нь биелүүлэхгүй бол 600 сая төгрөг нэхэмжилнэ гэжээ

2022-2-16
3033

Алтан Дорнодын “Дайчид” баг Этүгэн Баянгол Ирвэсүүд багтай таарч тоглох үеэрээшүүгчидийн алдаатай шүүлтийн улмаас “оноогоо идүүлж” хожигдол хүлээсэн байна. Энэ нь тоглолтын дүрс бичлэг болон протоколоор тогтоогдоод байгаа аж.

Тодруулбал, Тоглолтын гуравдугаар үед О.Энхбаатар алсын зайнаас довтолж 3 оноо авч багийн оноо 54 болсон бөгөөд үүнээс хойш 3-4 довтолгооны дараа дээр оноог 55 болох ёстой байсан боловч 1 оноо хасаж 53 болгоод торгуулийн шидэлт орох үед буцаан 54 болгосон ноцтой алдааг тэмцээний шүүх бүрэлдэхүүн гаргажээ. Мөн тоглолтын хоёрдугаар үед Этүгэн Баянгол Ирвэсүүд багийн А.Энхбаясгалан  3-ын зураас гишгэж довтолсон довтолгоог 2 оноогоор бус 3 оноогоор тооцсон зэрэг алдаатай шүүлтүүд гаргасны улмаас  “Дайчид” баг үндсэн цагт 87:85 гэсэн онооны  харьцаатайгаар хожил байгуулах ёстой байсан боловч буруу, алдаатай шүүлтийн улмаас нэмэлт цаг гарч хожигдол хүлээсэн байна.

Иймд дээд лиг зохион байгуулах комисс болон мэргэжлийн зөвлөл шүүгчдийн бүрэлдэхүүн уг алдаатай үйл явдлыг засаж ФИБА-ийн дүрэмд заасны дагуу тоглолтын үр дүнг өөрчилөхийг шаардаж байгаа аж. Харин Алтан Дорнодын “Дайчид” багийн энэхүү шаардлагыг биелүүлэхгүй тохиолдолд плей-офф-ийн дараагийн тоглолтуудад оролцох боломжгүй гэдгээ мэдэгдэж, улмаар сүүлийн нэг жилд “Дайчид” багийн гаргасан зардал болох  600 орчим  сая төгрөгийг  нөхөн төлүүлэхээр хууль хяналтын байгууллагат хандахаа мэдэгджээ.

Алтан Дорнодын "Дайчид" багийн албан бичигт: 

САГСАН БӨМБӨГИЙН ДЭЭД ЛИГ ЗОХИОН БАЙГУУЛАХ КОМИСС, КОМИССАР Б.ЯЛАЛТ, МЭРГЭЖЛИЙН ЗӨВЛӨЛ, ШҮҮГЧДИЙН БҮРЭЛДЭХҮҮНД, ТАМИРЧИДЫН ХОЛБООНЫ ТЭРГҮҮН Ц.МЭРГЭН,

Өргөдөл гаргах тухай:

Архангай Алтан Дорнодын Дайчид баг нь 2021-2022 оны сагсан бөмбөгийн дээд лигийн хасагдах шатны буюу плей-оффын шатанд 4 дүгээр байранд шалгарч Этүгэн Баянгол Ирвэсүүд багтай таарч тоглохоор болсон билээ. 2022.02.14-ний өдөр плей-оффын шатны эхний тоглолтонд шүүгчид ноцтой алдаа гаргасны улмаас үндсэн цагт ялагдал хүлээсэн болохыг холбогдох тоглолтын дүрс бичлэг болон протоколоор тогтоогдлоо.

Тоглолтын 3-р үеийн 3 минут 23 секундэд О.Энхбаатар алсын зайнаас довтолж 3 оноо авч багийн оноо 54 болсон бөгөөд үүнээс хойш 3 минутын дараа буюу 3-4 довтолгоо явсны дараа 1 минут 16 секунд дээр оноог 55 болох ёстой байсан боловч 1 оноо хасаж 53 болгоод торгуулийн шидэлт орох үед буцаан 54 болгосон ноцтой алдааг тэмцээний шүүх бүрэлдэхүүн гаргасан мөн  2-р үеийн 1 минут 16 секундэд Этүгэн Баянгол Ирвэсүүд багийн А.Энхбаясгалан  3-ын зураас гишгэж довтолсон довтолгоог 2 оноогоор бус 3 оноогоор тооцсон зэрэг алдаатай шүүлтүүд гаргасны улмаас  “Дайчид” баг үндсэн цагт 87:85 гэсэн онооны  харьцаатайгаар хожил байгуулах ёстой байсан боловч буруу, алдаатай шүүлтийн улмаас нэмэлт цаг гарч хожигдолд хүргэсэн байна.

Олон улсын сагсан бөмбөгийн холбоо буюу ФИБА-ийн дүрэмд тоглолтын явцад онооны маргаантай нөхцөл байдал үүссэн тохиолдолд тоглолтыг нэн даруй зогсоож улмаар хоёр багт мэдэгдэж, нягтлах үйл ажиллагааг явуулж аливаа үл ойлгогдох нөхцөл байдал арилсны дараа тоглолтыг цааш үргэлжлүүлэн явуулах дүрэмтэй.

Иймд дээд лиг зохион байгуулах комисс болон мэргэжлийн зөвлөл шүүгчдийн бүрэлдэхүүн уг алдаатай үйл явдлыг засаж ФИБА-ийн дүрэмд заасны дагуу тоглолтын үр дүнг өөрчилөхийг шаардаж байна.

Шүүлтийн үнэн зөв байх үндсэн зарчмыг баримтлахгүй  илт нэг талыг барьсан алдаатай  шүүлтийн улмаас хожлоо алдаж ноцтойгоор хохироод байна.  Иймд холбогдох шаардлагыг биелүүлэхгүй тохиолдолд плей-офф-ийн дараагийн тоглолтуудад оролцох боломжгүй гэдгийг мэдэгдэж байна. Гомдолтой холбоотой хариуг 2022 оны 02 –р сарын 16-ны өдрийн 15 цагаас өмнө ирүүлээгүй тохиолдолд цаашид плэй-оффын тоглолт оролцохгүй нөхцөл байдал үүсч  2021-2022 оны улиралд бэлтгэн сүүлийн нэг жилд “Дайчид” багийн гаргасан зардлыг болох  600 орчим  саяг төгрөгийг  нөхөн төлүүлэхээр хууль хяналтын байгууллагат  хандахыг мэдэгдэж байна.

Хувийг: МОНГОЛЫН САГСАН БӨМБӨГИЙН ХОЛБООНЫ ЕНБД Ц.ЦЭВЭРБАЛ,

МОНГОЛЫН ҮНДЭСНИЙ САГСАН БӨМБӨГИЙН ХОЛБООНЫ ЕНБД С.ТУЛГА,

  1. О.Энхбаатарын 3 зайн шидэлт гүйцэтгэх үеийн шугам гишгээгүйг нотлох фото зураг, бичлэг;
  2. Тоглолтын протокол;
  3. О.Энхбаатарыг довтолгоо гүйцэтгэж байх үед ахлах шүүгч Ж.Мөнхзаяагийн 3 оноо зааж буй фото зураг, бичлэгийг хавсаргав.
  4. А.Энхбаяасгалангын 3 зайн шидэлт гүйцэтгэх үеийн шугам гишгэсэнийг 2 оноо болгон шийдвэрлэж, ялалтыг манай багт өгнө үү.

Багийн эзэн Тордайн Ариунболд. 2022.02.15 гэжээ.

 






Шинэ мэдээ

Б.Ганхүү: Би охиноо амьд байгаагаар бодохыг их хүсдэг болохоор уран бүтээлээр суварга бүтээхийг зорьсон4 сар 27. 17:54Б.Ганхүү: Би охиноо амьд байгаагаар бодохыг их хүсдэг болохоор уран бүтээлээр суварга бүтээхийг зорьсон4 сар 27. 17:54"Австраличууд NAF-г бус багийг нь минороос хассан MongolZ-г дэмжих юм"4 сар 26. 19:06Ж.Энхбаяр “…Би үлдэнэ, та нар нүү” гээд яамныхнаа уурлуулжээ2024, 10 сар 28. 8:15Х.Баттулгын 2027 оны сонгуулийн бэлтгэл “Хүүхэд хөгжлийн карт”-аар эхлэв үү2024, 9 сар 24. 9:32Нүүрсний хулгайн “СЭЖИГТЭН” УИХ-ын Эдийн засгийн байнгын хороог удирдана2024, 9 сар 23. 15:07Шатахууны салбарт нэгэн арваныг эрхшээсэн “Трафигура”2024, 9 сар 23. 15:03Шахмал түлшний борлуулалт эхэллээ2024, 9 сар 15. 17:06Идэр голын цутгалд 12 000 жарамгай тавилаа2024, 6 сар 20. 17:50“Эрдэнэс Тавантолгой” ХК-ийн жилд 10 сая тонн нүүрс баяжуулах хүчин чадалтай үйлдвэр нээлтээ хийлээ2024, 6 сар 20. 17:40Өчигдөр орсон борооноор Налайх дүүрэгт 6 гэр, 3 байшин усанд автжээ2024, 6 сар 20. 17:36Зуслангийн автобус өнөөдрөөс үйлчилж эхэллээ2024, 6 сар 20. 17:34Байшин шатаж, хоёр хүний амь эрсэджээ2024, 6 сар 20. 17:33Ой хээрийн түймрийн улмаас АНУ-д онц байдал зарлалаа2024, 6 сар 20. 17:31"Старт-ап улсын уралдаан-2024" шилдгүүдээ тодрууллаа2024, 5 сар 29. 17:37АН-ын Улс төрийн зөвлөл 15:00 цагт хуралдана2024, 5 сар 20. 12:48НӨАТ-ын сугалааны азтанууд лхагва гарагт тодорно2024, 5 сар 20. 12:44Намууд өнөөдөр нэр дэвшигчдээ тодруулна2024, 5 сар 20. 12:36Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа2024, 5 сар 20. 12:07Монгол Улсын Ерөнхийлөгч У.Хүрэлсүх: Авлигын гэмт хэрэг үйлдсэн этгээдэд тохирох ял шийтгэл оногдуулж байх нь шударга ёсны зарчим2024, 5 сар 15. 17:24Монгол Улсын Ерөнхийлөгч У.Хүрэлсүх хоккейн үндэсний шигшээ багийн тамирчдыг хүлээн авч уулзлаа2024, 5 сар 15. 17:20Гэмт хэргийн бүлэглэлийнхэнд 1-16 жилийн хорих ял оноолоо2024, 5 сар 14. 15:24Б.Энхбаяр: Бид Ч.Сайханбилэгийн хаана байгааг мэднэ2024, 5 сар 14. 15:20Эверестэд авирсан Монголын хоёр уулчин сураггүй болсон талаар мэдээллээ2024, 5 сар 14. 15:16Ногоон автобусны сонсголыг энэ сарын 21,22-ны өдрүүдэд зохион байгуулна2024, 5 сар 14. 12:40

Фото мэдээ



©2024. УЛААНБААТАР ХОТ. МЭДЭЭЛЭЛ ХУУЛБАРЛАХ ХОРИОТОЙ.