Samsung компани  iPhone 13-ын өрсөлдөгч болох Galaxy S22 загвараа танилцууллаа

Дэлхийн хамгийн том гар утас үйлдвэрлэгч Өмнөд Солонгосын Самсунг компани Америкийн Apple компанийн iPhone 13-ын гол өрсөлдөгч болох Galaxy S22 загварын шинэ загваруудаа танилцууллаа.

Тэргүүлэгч S22 утас болон Tab S8 таблетуудын гурвалсан гол шинж чанарууд, онцлог шинж чанарууд нь хэвлэлээр удаан хугацаанд цацагдаж байсан тул шинэ цувралын танилцуулга  сенсаац биш байв.

Самсунг ухаалаг утасны зах зээлд манлайлах, дэлхийн хамгийн олон талт, алдартай гаджетын алтан стандарт эрхийн төлөө Apple-тай өрсөлддөг. Самсунг өнөөг хүртэл давуу талтай байгаа ч сүүлийн хоёр жилийн хугацаанд борлуулалт бараг өсөөгүй  байна.

Өнгөрсөн жил Samsung 270 сая гаруй утас, Apple 230 сая гаруй ширхэг утас зарсан ч iPhone-ийн эзлэх хувь 16%-иас 17% болж өссөн бол Samsung-ийнх 20% хэвээр байна гэж салбарын шинжээчид мэдээлэв.

Гар утасны өрсөлдөөнд гуравдугаарт  эрэмбэлэгдэж байгаа байр сууриа хурдацтай бэхжүүлж, сүүлийн нэг жилийн хугацаанд зах зээлд эзлэх хувийн жингээ 11.5%-иас 14 гаруй хувь хүртэл нэмэгдүүлсэн Хятадын Xiaomi багтаж байна.

Samsung уламжлал ёсоор оны эхэнд тэргүүлэгч Galaxy S шугамаа, намрын улиралд  уян хатан дэлгэцтэй Galaxy Z-ийг шинэчилдэг.  Харгин Apple 9-р сард iPhone 13-ыг танилцуулсан бөгөөд одоо энэ S22 нь Samsung-ийн хариу арга хэмжээ юм.

Шинэчлэгдсэн тэргүүлэх загваруудын гол анхаарал нь камер, процессор, дэлгэцийг шинэчлэх явдал юм.

Хамгийн үнэтэй загвар болох S22 Ultra нь 2-р сарын 25-нд АНУ-д 1200 долларын үнээр худалдаанд гарах бөгөөд үлдсэн хоёр загвар болох Galaxy S22 Plus мөн үндсэн S22 нь 1000 болон 800 долларын үнэтэй байх юм.

Гэхдээ Apple компани тун удахгүй дараагийн алхмаа хийхээр төлөвлөж байна.  Тус компани 5G дэмждэг iPhone SE загвараа хямд үнээр гаргах гэж байна. Энэ нь  Самсунгийн цуврал болон Хятад утаснуудтай өрсөлдөх зорилготой юм.

5G нь хэрэглэгчдийг одоо ашиглаж байгаа ухаалаг гар утсаа шинэчлэхэд хүргэнэ гэж үйлдвэрлэгчид болон шинжээчид итгэлтэй байна. 2022 онд дэлхий даяар зарагдсан хоёр дахь утас бүр 5G-д нийцнэ гэж Samsung таамаглаж байна.