Японы нийслэл эрчим хүчний хямралд өртөх эрсдэлтэй тулгарав

Ойрын өдрүүдэд их хэмжээний цас орж болзошгүй тул Японы бөөний зах дээр цахилгаан эрчим хүчний үнэ огцом өссөн байна. Энэ тухай Bloomberg мэдээлэв.

2-р сарын 9-нд тус улсын цахилгаан эрчим хүчний үнэ өмнөх долоо хоногоос 79 хувиар өсч, 2-р сарын дээд хэмжээнд хүрсэн тухай Японы цахилгаан эрчим хүчний бирж Jepx мэдээлжээ. 

Цаг агаарын урьдчилсан мэдээнээс шалтгаалж халаалтын хэрэгцээ нэмэгдэж магадгүй байна. Хоёрдугаар сарын 10, 11-нд Токио болон ойр орчмын бүс нутгаар цас орж, хур тунадас орох магадлалтай  гэж Японы цаг уурын агентлаг мэдээлсэн юм.  Үүний улмаас зарим компаниудын ажилд тасалдал гарах төлөвтэй байна. Тухайлбал,  агаарын тээвэрлэгч ANA Holdings Inc. Нийслэлийн Ханеда нисэх онгоцны буудлын  96 нислэг цуцлагдлаа.

1-р сард Токиод орсон цасны улмаас олон арван нислэг цуцлагдаж, хотын эрчим хүчний системийн хүчийг сорьж үзсэн. Эрх баригчид өвлийн саруудад шатахууны хүрэлцээг хангах арга хэмжээ авч байгаа ч эрс хүйтэрсний улмаас Японы шингэрүүлсэн байгалийн хий (LNG) хомсдож байна. Тус улсын эрчим хүчний компаниудын нөөцийн хэмжээ хоёрдугаар сарын 6-нд 1.63 сая тонн болж, өвөл эхэлснээс хойших хамгийн доод түвшиндээ хүрч буурав. Энэ  нь сүүлийн дөрвөн жилийн хамгийн доод түвшин болж байна.