Эм үйлдвэрлэгч “Шионоги энд ко” компани гэрийн эмчилгээ, эмнэлгүүдийн ачааллыг хөнгөвчлөх зорилгоор энэ оны эцэс гэхэд дотуур ууж хэрэглэх коронавирусний эсрэг эмийг хэрэглээнд нийлүүлэх зөвшөөрөл төрөөс авахаар төлөвлөж байгаа тухай мэдэгдлээ.
Осака хотод төвтэй тус компани өнгөрөгч оны долоодугаар сараас хойш эмнэлзүйн туршилтад хамрагдаж байгаа вирусний эсрэг эм нь хөнгөн, дунд зэргийн “Ковид-19”-ийн шинж тэмдгүүд улам дордохоос сэргийлнэ гэж найдаж байна гэж үзэж байна.
Хэрэв батлагдвал энэ нь хөнгөн хэлбэрийн “Ковид-19” өвчтэй хүмүүст зориулсан Японы анхны ууж хэрэглэх эм болох юм. Одоогоор тус улсад хөнгөн шинж тэмдэг илэрсэн өвчтөнүүдэд зөвхөн судсаар тарих эмчилгээг эмнэлгүүдэд хийж байгаа юм.
Японд коронавирусний халдвар хурдацтай нэмэгдэж байгаатай холбогдуулан эмнэлгийн орны хомсдол, гэртээ эмчлүүлэх өвчтөний тоо нэмэгдэж байгаа тул эмнэлгийн зохих тусламж авахгүй байх үед шинж тэмдгүүд нь улам дордож болзошгүй гэсэн санаа зовниж байна.
“Шионоги энд ко” компани мөн ууж хэрэглэх эмийг гадаадад нийлүүлэх талаар хэлэлцэж байгаа бөгөөд АНУ-ын Био анагаахын дэвшилтэт судалгаа, хөгжлийн газартай энэ талаар ярилцаж байгаа гэж эх сурвалж мэдээллээ.
Тус компани Эрүүл мэндийн яамнаас яаралтай зөвшөөрөл авах хүсэлт гаргахаар төлөвлөж байгаа бөгөөд дараа нь шаардлагатай судалгааг хийсэн тохиолдолд эмийг зах зээлд гаргахаас өмнө эмнэлзүйн туршилтыг дуусгах шаардлагагүй болох юм.
Туршилтыг үргэлжлүүлэхийн зэрэгцээ тус компани энэ оны эцэс гэхэд Японд хоёр сая өвчтөнийг эмчлэхэд хангалттай хэмжээний эмийг үйлдвэрлэнэ гэж найдаж байгаагаа мэдэгдлээ.
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
