ЛЕ ПЕН: Францын ерөнхийлөгчөөр сонгогдвол НАТО-гоос гарна 

Хэрэв Францын  ерөнхийлөгчийн сонгуульд ялбал НАТО-г орхино гэж Ле Пен мэдэгдлээ. 
Францын ерөнхийлөгчийн сонгуульд баруун жигүүрийн "Үндэсний нэгдэл" намаас нэр дэвшигч Марин Ле Пен сонгуульд ялбал тус улс НАТО-гоос гарна гэж амлалаа.
"Бид өөрсдийн ашиг сонирхлыг чөлөөтэй хамгаалж, цэргийн блокуудын логикоос гарах ёстой... Тиймээс бид НАТО-гийн хамтарсан командлалаас гарах бөгөөд ингэснээр биднийг бусдын  мөргөлдөөнд татан оруулахгүй байх болно" гэж Ле Пен бямба гарагт сонгогч дэмжигчидтэйгээ уулзах үеэрээ  мэдэгдэв.

Уулзалтын үеэр Ле Пенийг ерөнхийлөгчийн сонгуульд нэр дэвшүүлэхийг дэмжиж буй Австри, Нидерланд, Итали, Португал зэрэг бусад орны улс төрчдийн видео мессежийг олон нийтэд үзүүлжээ. Унгарын Ерөнхий сайд Виктор Орбан ч түүнийг дэмжиж байгаагаа илэрхийлжээ.

Францын ерөнхийлөгчийн сонгуулийн эхний шат дөрөвдүгээр сарын 10-нд, хоёр дахь нь 2022 оны дөрөвдүгээр сарын 24-нд болно.

Хэд хэдэн нэр дэвшигчид ирэх ерөнхийлөгчийн сонгуульд оролцох хүсэлтэй байгаагаа хэдийнэ мэдэгдээд байгаагийн дотор  Марин Ле Пенээс гадна баруун төвийн Бүгд найрамдах намаас нэр дэвшигч Валери Пекресс, Францын Коммунист намын үндэсний нарийн бичгийн дарга Жан-Люк Меленшон,  хэт зүүний  Reconquêt намын тэргүүн Эрик Земмур нар байна. 
Францын одоогийн Ерөнхийлөгч Макрон сонгуульд оролцох эсэхээ албан ёсоор зарлаагүй байна.