Хэрэглэхээ больсон хувцас эд зүйлсээ "Инээдэг байшин" ТББ-д хандивлах боломжтой

Өмсдөггүй мөртөө шүүгээнд тань байж л байдаг хувцас хэрэглэлээ "Инээдэг байшин" ТББ-д хандивлах боломжтой.  Тус байгууллага нь 8 жилийн өмнөөс хүмүүсийн хэрэглэхээ, өмсөхөө больсон хувцсыг цуглуулж хувцсаар дутаж байгаа хүмүүст тарааж байгаа билээ. Энэ талаар Инээдэг байшин ТББ-ын үүсгэн байгуулагч О.Анхмаа " Нэгэн жишээ дурдвал, энгийн нэгэн ТҮК-д ажиллах аав эхнэр нь өөд болоод 3н хүүхэдтэй үлдсэн. Эхнэр нь удаан өвдсөн учир бүхнээ шавхаад өрөө дарж явнаа гэж утсаар яриад ах нь хүчрэхгүй байна аа. Энэ муу оюутан охин өмссөнөөсөө ичээд хичээлдээ явах дургүй болчих шиг боллоо. Бага охин форм нь дадайгаад жижигджээ тиймэрхүү зүйл байвал ахдаа өгч болхуу гэж ярихад үнэхээр баярласан. Эрэгтэй хүмүүс тэр бүр нэрэлхээд ярьдаггүй. Харин энэ ажил удаан хүмүүст хүрсэний эцэст одоо аав ээж ах эгч хүүхдүүд өөрсдөө сургуулийн багш нар хороо дүүрэг бүгд мэдээд ярьдаг болсон, хэрэгцээт зүйлсээ ирж авдаг болсон. Тиймээс таны өгсөн хуучин хувцас бяцхан үрсийн нөхдийнхөө дунд толгой өргөн алхах нэгэн бэлэг болдог. Таны өгсөн эрэгтэй эмэгтэй хувцас залуу гэр бүлийн байшинтай болох мөрөөдөлд ч жижигхэн ч болов босго нь болдог. Үрсийнхээ төлөө хөлөө хөлдөөж гараа хайруулах ээж аавуудын дулаахан бас бардам алхах шинэхэн гоёл нь болж тараагддаг юм шүү. Пэйж хаяг маань хуучин хаягтай минь ашиглах боломжгүй болсон учир энэ хаягаар бичиж сууна мэдэх хүмүүс маань сайн мэдэх бизээ."

Инээдэг Байшин ТББ хаяг

Улаанбаатар их дэлгүүрийн замын чанх ард PEACE MALL худалдааны төвийн баруун хойно СӨҮЛ зочид буудлын яг арын шар 29р байр зүүн тийшээ харсан саарал хаалга бий.

Ажиллах цагийн хуваарь :

Мягмар - Ням 11.00 - 18.00 цаг

Даваа амарна

Холбогдох утас - 88103324 , 99822956