Ту-160М-ыг арагшаа пуужин харвах анхны онгоц болгон шинэчилжээ

ОХУ-ын шинэчлэн сайжруулсан стратегийн бөмбөгдөгч Ту-160М нь  нислэгийнхээ эсрэг зүгт буюу  арагшаа  пуужин харвах  дэлхийн анхны нисэх онгоц болов.  Ингэснээр энэ онгоц  ардаа байгаа байг устгах чадвартай болсныг салбарын эх сурвалж мэдээлжээ.

Тодотгоход Ту-160М стратегийн дуунаас хурдан бөмбөгдөгч пуужин тээгч онгоц юм

Стратегийн анхны бөмбөгдөгч тээвэрлэгч Ту-160М онгоц энэ оны 1-р сарын. 12-нд анхны 30 минутын нислэгээ хийсэн тухай мэдээлж байв.  Шинэ онгоц нь сайжруулсан хөдөлгүүр, бүхээгийн  радио электроникийн шинэчлэгдсэн хяналтын шинэ системээр тоноглогдсон юм. 

Ту-160М стратегийн дуунаас хурдан бөмбөгдөгч пуужин тээгч

 "Шинээр үйлдвэрлэсэн  эхний Ту-160М онгоцонд ар талаа харах радарын станц (RLS) суурилуулсан бөгөөд энэ нь онгоцыг агаар, газраас өөрийгөө хамгаалах зорилгоор арагшаа  пуужин харваж "агаар-агаар", "агаар-газар" ангиллын пуужин болон сөнөөгч онгоцыг устгах боломжтой. 

Эх сурвалж "Хүнд бөмбөгдөгч онгоцонд ар талаа харах радар ашиглах нь хамгийн тохиромжтой, учир нь эдгээр  хүнд бөмбөгдөгч нь маневр багатай  тул  эгзэгтэй үед богино хугацаанд  дайсан руу хошуугаа эргүүлж амжихгүй байх магадлалтай" гэж тодотгожээ. 
Ар тийш харвах пуужин нь дэлхийн бөмбөрцгийн нөгөө талын байг онож чадна гэдгийг мөн тодруулжээ. Дэлхийн бөмбөрцгийн хойд хагас дахь байг онохдоо онгоцны сүүлний хэсгийн  радараас өгч байгаа тооцооллын  дагуу тэд нислэгийн явцад 180 градус эргэдэг.

ОХУ-ын Ерөнхийлөгч Владимир Путины шийдвэрээр Ту-160 онгоцыг орчин үеийн Ту-160М хэлбэрээр сайжруулах хөтөлбөрийг эхлүүлсэн юм. Ростекийн мэдээлснээр Туполевтой байгуулсан улсын гэрээний хүрээнд Ту-160М онгоцны дизайны баримт бичгийг богино хугацаанд бүрэн дижитал болгож, титан бүтээгдэхүүний вакуум гагнуурын технологийг сэргээж, агаарын хөлгийн нэгжийн үйлдвэрлэлийг сэргээж байгаа нь  төр хувийн хэвшлийн шинэ хамтын ажиллагаа бий болж байна гэдгийг онцолжээ.

Эх сурвалж: РИА новости