Путин Орос, НАТО-гийн хоорондын дайны болзошгүй хувилбарыг нэрлэв

Хэрэв Украин НАТО-д элсвэл Киев тус эвслийн гишүүн  орны хувьд Крымд цэргийн ажиллагаа явуулах нь тун магадлалтай юм. Ингэснээр Орос, НАТО-гийн хооронд дайн болно гэсэн үг юм  гэж ОХУ-ын Ерөнхийлөгч Владимир Путин мэдэгдэв.  Тэрбээр Унгарын Ерөнхий сайд Виктор Орбантай хийсэн хэлэлцээрийн дараа хийсэн хэвлэлийн бага хурал дээр энэ тухай дурджээ. 

ОХУ-ын удирдагчийн хэлснээр, Украин өөрөө болон тус улсын өнөөгийн нөхцөл байдал нь  энэ зорилгодоо хүрэх хэрэгсэл төдий юм. Үүнийг янз бүрийн аргаар хийж болно. Биднийг ямар нэгэн зэвсэгт мөргөлдөөнд татан оруулж, Европ дахь холбоотнуудаа оролцуулан өнөөдөр АНУ-д яригдаж байгаа Оросын эсрэг маш хатуу хориг арга хэмжээ авахыг шаардах нь одоогоор хамгийн тод харагдаж байгаа хувилбар юм гэж Путин хэлэв. 

Тэрээр мөн өөр хувилбарыг жишээ болгон дурджээ. Тэр нь  Украиныг НАТО-д татан оролцуулж, тус улсын нутаг дэвсгэрт цохилтын зэвсгийн систем байршуулж, Донбасс эсвэл Крымийн асуудлыг зэвсгийн хүчээр шийдвэрлэхийг дэмжиж, улмаар биднийг зэвсэгт мөргөлдөөнд чирсээр байх болно.

Путин Минскийн хэлэлцээрийн хэрэгжилтийн талаархи янз бүрийн мэдэгдлийг онцолжээ. "Нэг талаас бид Украиныг Минскийн хэлэлцээрийг дагаж мөрдөхийг хүсч байна гэсэн мэдэгдлийг сонсож байгаа бол  нөгөө талаасаа Минскийн гэрээг дагаж мөрдөхгүй байна гэж биднийг байнга буруутгаж байна.  

Нэмж дурдахад, Оросын удирдагчийн хэлснээр, НАТО бусад орны зардлаар аюулгүй байдлаа бэхжүүлэхдээ эдгээр орнуудын чөлөөт сонголт хийх эрхийг байнга онцолж байна.

Барууны орнууд Украин НАТО-д элсэх үед Орос тус эвсэлтэй тулгарна  гэсэн хувилбарын талаар огт бодоогүй гэж Путин мөн хэлэв.