Өнөөдөр, маргааш нарны гео соронзон шуурга тохионо

АНУ-ын мэргэжилтнүүд хоёрдугаар сарын 2-3-нд дунд зэргийн хүчтэй гео соронзон шуурга болно гэж таамаглаж байна.

1-р сарын 29-нд нарны дэлбэрэлтээс  үүссэн нарны плазмын аварга үүл болох титмийн массын ялгаралтын нөлөөгөөр  2-р сарын 2-3-нд гео соронзон  шуурга болно гэж АНУ-ын мэргэжилтнүүд таамаглаж байна. Энэ тухай Америкийн сансрын мэдээллийн төвийн цахим хуудсанд мэдээлсэн байна.

Эрдэмтэд нарны дэлбэрэлтийг M1 ангилалд хамааруулж, үүний нөлөөгөөр дэлхийн туйлын бүс нутагт радио холбоог  богино хугацаанд тасалдуулж, хиймэл дагуулын үйл ажиллагаанд саад учруулж болзошгүйг тэмдэглэж байна.

Нарны энэ шуурга  секундэд 662 километрийн хурдтайгаар дэлхий рүү чиглэн ойртож байгаа нь тэгш хэмт бус титмийн массын хөөрөлттэй холбоотой юм. Ингэснээр 2-р сарын 2-нд сулавтар  дунд зэргийн гео соронзон шуурга (G2 түвшин) үүсгэх төлөвтэй байгаа бөгөөд энэ нь доод  өргөрөгт туйлын туяа үүсгэдэг.  Гео соронзон  шуурганы хүч 2-р сарын 3-нд  суларч  сул түвшинд (G1) хүртэл буурахаар байна.

Цахим тоног төхөөрөмжийг ажиллагаагүй болгох аюултай   гео соронзон шуурга 25 жил тутамд тохиолддогыг  эрдэмтэд нэгэнт тогтоожээ.  Харин хүч багатай боловч аюултай шуурга гурван жил тутамд болдог.  Аюулын нийт таван түвшин байдаг бөгөөд G5 нь хамгийн эрсдэлтэй бөгөөд электрон хэрэгслүүдийг эвдэх хэрэглээнээс гаргах аюултай байдаг. 

Эх сурвалж: Лента.ру