С.Лавров дайн болох уу гэсэн асуултад хариулав

-Хэрэв Оросоос шалтгаалах бол дайн гарахгүй гэж Гадаад хэргийн сайд Сергей Лавров ярилцлага өгөхдөө мэдэгджээ-

"Бид дайныг хүсэхгүй, гэхдээ бидний ашиг сонирхолыг үл тоомсорлох, бүдүүлэг халдлага хийхийг зөвшөөрөхгүй" гэдгээ  хэлэв.
Аюулгүй байдлын баталгааны талаарх саналууд нь туйлын шаардлага биш бөгөөд үүнд хязгаарыг  давсан зүйл байхгүй, Москва асуудлыг зүгээр л шударгаар шийдвэрлэхийг хүсч байна гэж Лавров онцолжээ.
Энэ асуудлаар АНУ, НАТО-той хийж буй хэлэлцээ хараахан дуусаагүй байна.

Москва энэ баримт бичгийн заалтуудыг хэрхэн биелүүлэх гэж байгаагаа тайлбарлах хүсэлтийг  тэдэнд илгээх бодолтой байна. Үүний зэрэгцээ Орос улс Вашингтон, Брюссельд өгөх хариу арга хэмжээний асуудлыг одоо  боловсруулж байна.
Лавров өмнө нь илгээсэн аюулгүй байдлын төслүүдэд АНУ болон НАТО ямар хариу үйлдэл үзүүлж байгаа тухайд эхнийх нь "дипломат ажиллагааны оргил", хоёр дахь нь "маш их үзэл сурталжсан" гэж тодотгожээ. Мөн тэрээр эвслийн хариуг бичсэн хүмүүсээс ичиж байгаагаа нэмж хэлэв.

Барууны түншүүд үүнийг олон нийтэд зарлахгүй байхыг хүссэн тул дэлгэрэнгүй мэдээлэл өгөөгүй байна.
Үүний зэрэгцээ, Москва гол асуудал болох НАТО-г өргөжүүлэх хандлагад сэтгэл хангалуун бус байгааг сайд сануулав.

Хэрэв АНУ байр сууриа өөрчлөхгүй гэж зүтгэсээр байвал Орос ч гэсэн байр сууриа өөрчлөхгүй гэдгийг ойлгох ёстой гэж Гадаад хэргийн сайд хэлэв.
Тэдний байр суурь нь бодит байдлыг шууд ташаа мэдээлсэн худал хуурмаг мэдээлэл дээр үндэслэсэн бол харин бидний байр суурь  хүн бүрд тодорхой байгаа бодит байдал дээр үндэслэсэн. Тиймээс энд буулт хийх ямар ч боломж харагдахгүй байна хэмээн ОХУ-ын Гадаад харилцааны сайд хэвлэлийнхэнд ярьжээ.