Ажилдаа ирдэггүй тэргүүн түшмэл Г.Элбэгсайхан

Өргөсөн тангаргаа умартаж, төсвөөс цалинждагаа мартсан Г.Элбэгсайханаар Оюуны өмчийн газрыг удирдуулах хэрэг байна уу. Учир нь Г.Элбэгсайхан дарга хэдэн 7 хоногоор ажлаа тасалдаг том толгойтой нэгэн аж. Төрийн албанд ёс зүй, хариуцлага, сахилга батыг бий болгоно гэж эрх баригчид амаа чилтэл ярьдаг боловч бодит байдал дээр тэдний томилсон нөхөд нь Төрийн ажлыг утгаар нь хийдүүлж байна. Г.Элбэгсайхан Оюуны эмчийн газрын дарга болмогцоо хэлтсийн даргаар өмнө нь хамт ажиллаж байсан н.Амгалан гэдэг хүнийг томилсон нь жирийн алба хаагчдын ажиллах урам зоригийг мохоосон гэж эх сурвалжууд мэдээлж буй юм.

Салбарын сайд нь ажлын шугамаар уулзах гэхээр олддоггүй, дуудахад нь очдоггүй Г.Элбэгсайхан үнэхээр дарга суудалд тухлах заяатай нэгэн. Тэрбээр өмнө нь Хууль зүй, Дотоод хэргийн яамны дэд сайд, Шүүхийн шийдвэр гүйцэтгэх газрын дэд дарга, Гадаадын иргэн харьяатын газрын дэд дарга гэх мэт албан тушаалыг хашиж байжээ.  

2-3 долоо хоногоор агентлагийн ажлыг орхиж, төрийн ажлыг эзэнгүйдүүлсэн Г.Элбэгсайхан цар тахлаар өвдөөгүй, ажил тасалсан шалтгаан нь тодорхойгүй гэх. Ажилдаа ингэж ханддаг эрхэм дарга харин цалингаа бүтэн авсан болов уу. Хэрэв жирийн алба хаагч ийм үйлдлийг гаргасан бол халагдах нь тодорхой.

Эрх баригчдаа, томилгоогоо эргэн харж том толгойтой хурган дарга нартайгаа хариуцлага яривал яасан юм бэ !