Украины хилийн ойролцоо ОХУ-ын цэргүүд байрлаад буй энэ үед АНУ-ын Ерөнхийлөгч Жо Байден мэдэгдэл хийв. Тэрээр ОХУ Украины нутаг дэвсгэрт халдан дайрвал Ерөнхийлөгч Владимир Путины эсрэг хориг арга хэмжээ авч хэрэгжүүлнэ хэмээн анхааруулсан байна. Байдены хувьд уг сэрэмжлүүлэг нь хоосон үг биш гэдгийг нэмж онцолжээ.
Украины хилийн ойролцоо ОХУ-ын 100,000 цэрэг байрласнаас үүдэлтэйгэр өрнөдийн орнууд Москваг халдан түрэмгийлэх үйлдэл хийх гэж байна хэмээн сэрдээд байгаа. ОХУ-ын зүгээс үүнийг эрс үгүйсгэсэн бөгөөд АНУ, түүний холбоотон өрнөдийнхөн нөхцөл байдлыг хөөрөгдөж, хямралыг хурцатгаж байна хэмээн хариу буруутгаад буй.
Хэрэв Оросын цэргүүд Украины хилээр нэвтэрсэн тохиолдолд Дэлхийн хоёрдугаар дайнаас хойш хамгийн их гарз хохиролтой тэмцэл өрнөж болзошгүй юм. Хэрэв ийм зүйл болбол Москва шангаа хүртэх боно хэмээн өрнөдийнхөн анхааруулсан.
АНУ 8,500 цэргээ дайны бэлэн байдалд шилжүүлсэн ч Украин руу илгээх төлөвлөгөө байхгүй гэжээ. Украины Ерөнхийлөгч Владимир Зеленский үүсээд байгаа нөхцөл байдалтай холбогдуулан Франц, Герман, Оросын удирдагчидтай уулзах хүсэлт гаргасан байна.
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
