Б.Энхбаяр: Ж.Пунцаг хуулийн байгууллагын удирдлагуудын төрөл садны хүмүүсийг доороо ажиллуулж гэмт үйлдлээ замхруулдаг

УБТЗ хувь нийлүүлсэн нийгэмлэгийн Дотоод аудит, хяналт шалгалтын албаны дарга Ж.Пунцагийг Авлигатай тэмцэх газраас саатуулж, мөрдөн шалгах үйл ажиллагаа явуулж эхэлсэн. Гэвч 48 цагийн дараа буюу өнгөрсөн баасан гарагийн орой түүнийг сулласан байна. Гэхдээ шалгалт үргэлжилж байгаа юм. Түүнийг вагоны дугаарлалт дайруулдаг, тэндээс ашиг олдог байж болзошгүй гэх гомдлын дагуу шалгаж буй.

Тэгвэл эл асуудалд УИХ-ын гишүүн Б.Энхбаяр байр сууриа илэрхийлжээ.  Ингэхдээ Ж.Пунцаг нь Гадаадын иргэн харьяатын газар ажиллаж байхдаа нэр бүхий хятад иргэдээс хээл хахууль авч, авилга албан тушаалын хэрэг үйлдэж шүүхээр ял шийтгүүлж байсан авилгачин атал Ёс зүйн сахилга хариуцлагын байнгын хорооны дарга УИХ-ын гишүүн Б.Бат-Эрдэнэ өөрөө түүнд хариуцлага тооцсон мэт үйлдэл гаргасан нь ёс зүйгүй үйлдэл гэдгийг шүүмжлэн 2020 оны 12 дугаар сарын 24-ны өдөр УИХ-ын дарга Г.Занданшатарт хүсэлт гаргаж байсан тухайгаа бичжээ. 

Тэрбээр энэ талаар өөрийн цахим хуудастаа "Авлигачин Пунцагаас болж жил гарны өмнө УИХ-ын Ёс зүйн байнгын хорооноосоо хүртэл гарсан байдаг шүү. Гэтэл Пунцаг маань авлигачнаа хийсээрээн байсан аж. Аргагүй л дээ. Энэ бичигт “хуулийн байгууллагын удирдлагуудын ойрын төрөл садны нөхдийг доороо ажиллуулдаг...” гэж бичсэн байгаа биз" хэмээжээ.