"Оросыг айлгах"   F-35 Lightning II  сөнөөгч онгоцоо америкчууд магтаж байна

 Америкийн F-35 Lightning II  тав дахь үеийн сөнөөгч онгоц АНУ-ын Тэнгисийн явган цэргийн корпусын Tripoli хөлөг онгоцон дээрээс  богино зурвасаас хөөрч, мөн босоо тэнхлэгээр анх удаа амжилттай газардсаны  дараа  тус улсын хэвлэл мэдээлэл F-35 онгоц  "түүх бүтээсээр" байгаа бөгөөд Оросыг айлгаж байна" хэмээн бичжээ.

Америкийн хэвлэлд бичсэнээр, F-35 Lightning II сөнөөгч онгоц нь  "Орос эсвэл Хятадтай зөрчилдсөн тохиолдолд"  олон талын үүрэг гүйцэтгэх  болно гэдгийг харууллаа гэжээ.

Тав дахь үеийн сөнөөгч онгоцыг  хөлөг онгоцонд ашиглах нь АНУ-ын Тэнгисийн цэргийн хүчин чадлыг бэхжүүлэх болно гэжээ.  "Онгоц хөөрөх төрлөөс үл хамааран хэд хэдэн хөлөг онгоцтой байхын  давуу тал нь дайсныг төөрөгдүүлж, тооцоолол  хийхэд хэцүү болгодог" гэж хэвлэлд бичжээ.

1-р сард Defense News сэтгүүл АНУ-ын Lockheed Martin компанийн  бүтээж байгаа тав дахь үеийн F-35 Lightning II сөнөөгч онгоц нь Германы Tornado онгоцыг орлох боломжтой өрсөлдөгч бөгөөд  Франц, Герман, Испанийн хамтран хэрэгжүүлж байгаа шинэ үеийн Европын сөнөөгч онгоц Future Combat Air System (FCAS-ыг ) бүтээхээд заналхийлж болзошгүй хэмээн  бичиж байв.