Д.Сумъяабазар: Агаарын бохирдол их байсан нь технологийн алдаа байсан

Хотын дарга Д.Сумъяабазар агаарын бохирдолтой холбоотойгоор хариуцлага тооцсон асуудлаар мэдээлэл өглөө.

Тэрбээр "Ерөнхий сайдаас өгсөн үүрэг даалгаврын дагуу Нийслэлийн Засаг даргын ногоон хөгжил болон агаар, орчны бохирдлыг бууруулах асуудал хариуцсан орлогч Д.Ихбаяр болон Нийслэлийн Агаар, орчны бохирдолтой тэмцэх газрын дарга Б.Пүрэвсүрэн нарыг үүрэгт ажлаас нь чөлөөлсөн.

Оронд нь тавих хүмүүс нарийн бэлтгэгдсэн байх ёстой. Улс төрийн мэдрэмжтэй, нийгмээ сонсдог. Нийгмийн зүгээс тавьж байгаа шаардлага шахалтыг хүлээж авах чадвартай иргэд ард иргэдтэйгээ уулзах, санал бодлыг нь сонсох, үйлдвэрүүдтэй танилцаж 2023 оны өвөлжилтийн бэлтгэл ажлыг яаравчлан эхлэх хэрэгтэй гэж бодож байна. 

Хэн нэгэнд буруу өгөхөөс илүүтэйгээр Утааны асуудалд юунаас болов гэдэг дээр зуухтай холбоотой асуудал ярьж байна. Түлшний чанар стандарттай холбоотой гэж байна. 2021 оныхоос түлш нь шаталт удаан асаж, уугилт их байгаа асуудлыг иргэд өөрсдөө бичлэг хийж явуулж байгаа. Үүнийг нь холбогдох хүмүүсээр шалгуулахад хол зөрөөгүй байсан. Тийм учраас үүн дээр яаралтай арга хэмжээ авахыг Ерөнхий сайд үүрэг даалгавар өгсөн. Энэний хүрээнд бидний хийх гол ажил утааны асуудал болж байна. Өмнө нь байгалийн хатаалт их сайн хатааж байсан. Өнгөрсөн хугацаанд алдаа гарсан зүйл их байна. Технологийн алдаа гаргасан байна." гэлээ.