Назарбаевын хүргэн нарыг үндэсний тэргүүлэгч компаниудын удирдлагаас халжээ

Назарбаевын хүргэн Димаш Досанов, Кайрат Шарипбаев нар үндэсний компаниудын албан тушаалаас чөлөөлөгдсөн.

Тус улсын ерөнхийлөгч асан Нурсултан Назарбаевын хүргэнүүд Казтрансгаз, Казтрансойл үндэсний тэргүүлэгч компаниудын удирдлагаас халагдсан байна. Өөрөөр хэлбэл хүргэчүүл гэдэг нь Назарбаевийн том охин Дарига, бага охин Алия Назарбаев нарын нөхрүүдийн тухай ярьж байгааг Орда Телеграм суваг тодотгожээ.

Эх сурвалжийн мэдээлснээр "Казтрансойл" ХК-ийн ерөнхий захирал бөгөөд ТУЗ-ийн дарга Димаш Досанов албан тушаалаа алдсан байна. Тэрээр 2016 онд тус улсын анхны Ерөнхийлөгчийн бага охинтой гэрлэсний дараахан өндөр албан тушаалд очсон юм.

Мөн том охин Даригагийн нөхөр Кайрат Шарипбаев  албан тушаалаа алджээ. Тэрбээр  Назарбаевын ууган охин Дарига Назарбаеватай гэрлэсний дараахан "КазТрансГаз" ХК-ийн ТУЗ-ийн дарга болсон юм.
Досановыг ажлаас нь халсан тухай мэдээллийг Самрук-Казына сангийн хэвлэлийн алба баталжээ. Zakon.kz сайтын мэдээлснээр үндэсний тэргүүлэгч компаниуудын дарга хүргэчүүл  өөрсдөө ажлаас халагдах хүсэлт гаргасан байна.

Шатахууны үнийн өсөлтийг эсэргүүцсэн жагсаал сүүлдээ улс төрийн шаардлагаар солигдож зэвсэгт дайралт болж хувирасны  дараа нөхцөл байдлыг тогтворжуулахын тулд ХАБГБ-ын энхийг сахиулах багийг тус улс руу илгээсэн бөгөөд 1-р сарын 19-нд цэргээ бүрэн гаргаж дуусах ёстой.

Үймээний үеэр Казакстанд ганцаараа үлдсэн гэгдэж байсан  Назарбаевын ах Болат  Бишкекээс АНЭУ руу ниссэн гэх мэдээлэл байна. 

Нурсултан Назарбаев өөрөө 2021 оны арванхоёрдугаар сарын 28-наас хойш олны өмнө гараагүй. Казахстанд болсон олныг хамарсан эсэргүүцлийн жагсаал, үймээний үеэр тэрээр нэг ч мэдэгдэл хийгээгүй. Ерөнхийлөгч асан охид, гэр бүлийн хамт эх орноо орхин явсан гэх мэдээлэл гараад буй. Харин Бүгд найрамдах улсаас Азербайжанд суугаа Элчин сайд Сержан Абдыкаримов Назарбаевыг Нур-Султанд байгаа гэж мэдэгджээ.

Эх сурвалж: Лента.ру