Путин Казахстаны хэрэг явдлыг сайтар бэлтгэгдсэн дайралт гэж мэдэгдэв

ОХУ-ын Ерөнхийлөгч В.Путин Казахстанд гарсан эмх замбараагүй байдлыг Бүгд Найрамдах Улс руу хийсэн дайралт гэж нэрлээд, ийм түрэмгийллийн эсрэг цаг алдалгүй хариу арга хэмжээ авах ёстойг онцолжээ. Төрийн тэргүүн Хамтын аюулгүй байдлын гэрээний байгууллагын (ХАБГБ) ээлжит бус хуралдааны үеэр энэ тухай мэдэгдэв.

Майданд ашиглаж байсан эмх замбараагүй байдлыг мэдээллийн хүчээр дэмжиж дэвэргэх  технологийг   Казахстанд мөн ашигласан   гэж Путин тэмдэглэв. Тэрбээр  сайн зохион байгуулалттай, сайн хяналттай зэвсэгт бүлэглэлүүдийн үйлдлийг онцлон  дурдахдаа  тэдний зарим нь хилийн чанад дахь террорист байгууллагуудын хуаранд сургалтанд хамрагдаж бэлтгэгдсэн байсан гэв.

ХАБГБ-ЫН ЭНХИЙГ САХИУЛАГЧИД КАЗАХСТАНД ШААРДЛАГАТАЙ ХУГАЦААНД ҮЛДЭНЭ

ОХУ-ын Ерөнхийлөгч ХАБГБ-ын энхийг сахиулах хүчнийхэн Бүгд Найрамдах Улсад тайван байдлыг сэргээхийн тулд Казахстанд үлдэх болно гэж мэдэгдэв.

Үүний зэрэгцээ энхийг сахиулах хүчнийхний байх хугацаа хязгаарлагдмал тул  шаардлагатай гэж үзвэл Казахстанаас гарах үүрэг хүлээнэ гэдгийг Путин сануулав.

1992 оны Хамтын аюулгүй байдлын гэрээний дөрөвдүгээр зүйлд заасны дагуу ХАБГБ-ын гишүүн орнуудын цэргийн хүчийг Казахстанд нэвтрүүлсэн нь тус улсын удирдлагын албан ёсны хүсэлтийн үндсэн дээр зохион байгуулагдсан  гэж төрийн тэргүүн тэмдэглэв.

НӨХЦӨЛ БАЙДЛЫГ ДЭВЭРГЭХИЙГ ОХУ ЗӨВШӨӨРӨХГҮЙ

Казахстанд илгээсэн ХАБГБ-ын хүчин шуурхай бөгөөд эв найртай ажилласан нь тус Бүгд найрамдах улсын нөхцөл байдлыг доройтуулахаас урьдчилан сэргийлсэн  гэж Путин хэлэв.

Түүний хэлснээр Казахстан дахь ХАБГБ-ын энхийг сахиулах багийн командлагч генерал Сердюков өөрийн ажлаа сайн мэддэг нэгэн гэв. Казакстанд  Оросын Агаарын цэргийн хүчний хамгийн сайн  бэлтгэгдсэн ангиудын  энхийг сахиулагчид байрлаж байгааг мөн мэдэгдэв

Бид дотооддоо нөхцөл байдлыг дэврээхгүй, өнгөт хувьсгал гэгчийг хэрэгжүүлэхийг зөвшөөрөхгүй гэдгийг ХАБГБ-аас авч буй арга хэмжээнүүд тодорхой харууллаа гэв

Ийм нөхцөл байдал хэнийг ч гайхшруулахгүйн тулд ХАБГБ-ын орнууд аливаа өдөөн хатгалгад бэлэн байх ёстой гэж Путин сануулжээ.

ТОКАЕВЫГ  ЗОРИГТОЙ БАЙСАН ГЭЖ ПУТИН ҮНЭЛЭВ

ОХУ-ын Ерөнхийлөгч Казахстаны удирдагч Касым-Жомарт Токаев тус бүгд найрамдах улсад болсон үймээний үеэр террористуудыг няцаахын тулд нийгэм, аюулгүй байдлын хүчин, хүн амыг нэгтгэж эр зориг үзүүлсэн байна. Токаев хариуцлагыг өөртөө хүлээж, мөн холбогдох арга хэмжээг удирдан хэрэгжүүлж  байсныг Владимир Путин тэмдэглэв.

Сануулахад: 1-р сарын 6-нд ХАБГБ-ын энхийг сахиулах хүчин Казакстанд ирж эхэлсэн бөгөөд энэ ажиллагаанд  Орос, Беларусь, Армений ангиуд оролцож байна.

Эх сурвалж: Лента.ру