Монголын махны үнийн өсөлт

Сүүлийн 2 жилийн хугацаанд цар тахлаас үүдэн өргөн хэрэглээний барааны үнийн өсөлтөд хэн хүнгүй нэрвэгдлээ. Махны үнэ л гэхэд 2021 онд Америкт дунджаар 16%, Монголд 20% тус тус өсжээ.

 

Монголын махны үнийн өсөлт

Махны хэрэглээ өндөртэй Монголын хувьд үнэ өсөх нь хэрэглэгчдийн худалдан авах чадварт ихээр дарамт учруулах нь мэдээж. Жишээ нь гэхэд сүүлийн 1 жилийн хугацаанд хонины ястай мах 24%-иар, адууны ястай мах 15.6%-иар, үхрийн цул мах 20.6%-иар тус тус өссөн байна.

2020 оны I улирлаас эхлэн тавьсан хатуу хөл хорионуудын улмаас орон нутгаас ирэх махны нийлүүлэлт багассан, тээврийн зардал ихэссэн зэргээс шалтгаалан махны үнэ өдийг хүртэл өссөн билээ. Харин хэрхэн үнийн өсөлтийг бууруулах нь одоогоор тодорхой бус байна.

 

Харин Америкийн хувьд

 

Шалтгаан: Америкт малын үндсэн тэжээл болох шар буурцаг, эрдэнэ шиш зэргийн үнэ өссөн, цар тахлаас үүдэн ажиллах хүчний дутагдал үүссэн зэргээс шалтгаалан махны үнэ өсжээ.

Шийдэл: Америкийн Ерөнхийлөгч махны салбарт өрсөлдөөнийг нэмэгдүүлж, үнийг бууруулах зорилгоор $1 тэрбумыг зарцуулахаа зарлав. Тус улсад үхрийн махны зах зээлийн 85%-ийг 4 компани дангаараа эзэлж буй нь тэдэнд үнийг удирдах давуу байдлыг үүсгэжээ. Тиймээс Байден зах зээл дээрх цөөн том тоглогчдын нөлөөг багасгаж, махны үнийн өсөлтийг бууруулах стратеги барьж байгаа аж.

 

                                                                                     Эх сурвалж: Lemonpress