Казахстаны Үндэсний аюулгүй байдлын хорооны дарга асан Карим Масимовыг баривчилжээ

Казахстаны Үндэсний аюулгүй байдлын хорооны дарга  Карим Масимовыг баривчилж саатууллаа гэж  мэдээллээ. Түүнийг эх орноосоо урвасан хэрэгт сэжиглэж байгаа юм. Хоёр хоногийн өмнө Алматы хотод үймээн дэгдсэний дараа тус улсын ерөнхийлөгч Масимовыг ҮАБЗ-ийн даргын албан тушаалаас нь чөлөөлсөн юм.

Масимов болон нэрийг нь зарлаагүй бусад хүмүүсийг эх орноосоо урвасан хэрэгт сэжиглэж байгаа гэж ҮАБЗ-ийн цахим хуудсанд нийтэлжээ. 

Тодруулахад, Казахстаны Эрүүгийн хуулийн 175-р зүйл буюу  Эх орноосоо урвасан гэмт хэрэгт оноох хамгийн дээд шийтгэл нь 15 жилийн хугацаагаар иргэний харъяалал, харьяалалгүй байлгах ялаар шийтгэдэг аж.

Нэгдүгээр сарын 6-нд шилжих шөнө Казахстаны Ерөнхийлөгч Касым-Жомарт Токаев ҮАБХ-ны шинэ даргаар Ермек Сагимбаевыг томилсон зарлигт гарын үсэг зуржээ.  55 настай Сагимбаев үүний өмнө  Казахстаны Улсын аюулгүй байдлын албаны даргаар ажиллаж байжээ.

Назарбаевын хүн
56 настай Масимов олон жилийн турш Ерөнхийлөгч Нурсултан Назарбаевын үед тус улсын   Ерөнхий сайдаар хоёр ч удаа ажиллаж байжээ. Эхлээд 2007-2012 онд, дараа нь 2014-2016 онд. Ерөнхий сайдын албан тушаалын хоорондох завсарт тэрээр Казахстаны Ерөнхийлөгчийн Тамгын газрыг удирдаж байсан.

Масимов 2016 оны есдүгээр сараас  Казахстаны Үндэсний аюулгүй байдлын хороог тэргүүлж байв. Тэрээр  дэслэгч генерал цолтой. 

 Казахстаны ORDA портал Назарбаевын зээ хүү болох ҮАБЗ-ийн тэргүүн дэд дарга Самат Абишийг баривчилсан тухай өмнө нь мэдээлсэн ч удалгүй үүнийг үгүйсгэсэн . Уг хэвлэл мэдээллийн эх сурвалжийг андуурсан гэж мэдэгджээ. 

Масимовыг ҮБХ-ны даргын албан тушаалаас огцруулсны дараа Ерөнхийлөгч Токаев өөрөө Казахстаны Аюулгүйн зөвлөлийг  тэргүүлсэн хэвээр байна. Энэ албан тушаалыг Назарбаевад насан туршдаа хаших эрх олгож байсан юм.

Назарбаев хаана байгаа вэ

Нурсултан Назарбаев өнгөрсөн арванхоёрдугаар сарын сүүлчээр ТУХН-ийн гишүүн орнуудын удирдагчдын албан бус уулзалтад оролцохоор Санкт-Петербургт очжээ. Гэвч одоо  Назарбаев өөрөө хаана байгаа нь тодорхойгүй байгаа юм.  Тус улсад асар их нөлөөгөө хадгалж байгаа экс Ерөнхийлөгч  Казахстанд нэгдүгээр сарын 2-нд эхэлсэн эсэргүүцлийн жагсаалаас хойш  ард түмэндээ хандаж ганц ч мэдэгдэл хийгээгүй өдийг хүрээд байна.

Харин  Беларусийн ерөнхийлөгчийн хэвлэлийн албанаас  өмнөх өдөр Александр Лукашенко Назарбаевтай утсаар ярьж, Казахстаны нөхцөл байдлын талаар ярилцсан гэж мэдэгдэв.

Бямба гарагийн өглөө Назарбаевын хэвлэлийн нарийн бичгийн дарга Айдос Укибай экс ерөнхийлөгч Казахстаны нийслэлд байгаа гэж мэдэгдэв.

Гэвч зарим эх сурвалж түүнийг гэр бүлийнхаа хамт зугатсан гэж мэдээлж байгаа ч одоогоор хэн ч нотлоогүй байна. 

Эх сурвалж: ВВС