БНАСАУ коронавируст цар тахлын нөхцөл байдлын улмаас "Бээжин-2022" өвлийн олимпод оролцох боломжгүй гэдгээ БНХАУ-д уламжилжээ. Энэ тухай баасан гарагт Солонгосын мэдээний төв агентлаг мэдээллээ.
"АНУ болон түүний хяналтан дор байгаа хүчнийхэн Хятадын эсрэг үй ажиллагаа явуулж олимпын наадмыг амжилттай зохион байгуулахад нь хориг саад тавьж байна. БНАСАУ-ын хувьд цар тахлын нөхцөл байдлаас шалтгаалан энэ удаагийн олимпод тамирчдаа илгээх боломжгүй боллоо. Гэхдээ Хятадын ард түмнийг ямагт дэмжиж, олимпын гайхамшигт наадам зохион байгуулж чадна гэдэгт бүрэн дүүрэн итгэж байна" хэмээн уг мэдэгдэлд дурджээ.
БНАСАУ өнгөрсөн зун болсон Токиогийн олимпод бас оролцоогүй юм.
Өвлийн XXIV олимп 2022 оны хоёрдугаар сарын 4-20-ны хооронд Бээжинд болно. 2015 оны долоодугаар сарын 31-нд Куала Лумпурт болсон Олон улсын олимпын хорооны чуулганаар БНХАУ-ын нийслэлийг олимп зохион байгуулах хотоо сонгосон юм.
2021 оны арванхоёрдугаар сарын 6-нд АНУ Бээжингийн олимпыг дипломат аргаар бойкотлохоо зарласны дараа Австрали, Их Британи, Канад улсууд дээрх санаачилгыг дэмжсэн билээ.
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
