
Ерөнхий сайдын хэвлэлийн төлөөлөгч Ч.Болортуяа Засгийн газрын иргэд, олон нийттэй харилцах 1111 төвийг шилжүүлж байгаа талаар мэдээлэл өгөв. Тэрбээр "Ерөнхий сайдын хувьд Засгийн газрын үйл ажиллагааг иргэд олон нийтэд нээлттэй байлгах, төрийн албаны хүнд суртлыг бууруулах бодлогын хүрээнд 1111 төвийг Ерөнхий сайд өөрийн ажлын албаны дэргэд шилжүүлсэн байгаа.
Тодруулбал, 1111 төв нь E-Mongolia-д харьяалагдаж байсан бол ийнхүү Ерөнхий сайдын ажлын алба буюу Засгийн газрын хэвлэл мэдээлэл, олон нийттэй харилцах газар хариуцан ажиллахаар болж байна. Ингэснээр арван нэг, арван нэг төвийн үйл ажиллагааг одоогийн байгаа түвшнээс илүү шуурхай, цахим технологид бүрэн нэвтрүүлэх гэх мэт зорилт тавьж байгаа юм." гэлээ.