Энэ долоо хоногт цаг агаар ямар байх вэ?

2022 оны 01 дүгээр сарын 03-наас 2022 оны 1 дүгээр сарын 10-ныг хүртэлх
7 хоногийн цаг агаарын урьдчилсан төлөв

Хугацааны сүүлээр нутгийн зүүн хагаст хүйтэн жавартай байна.

Хур тунадас: 04-нд Хэнтийн уулсаар, 05-нд Алтайн уулархаг нутгаар, 06-нд Хөвсгөлийн уулархаг нутгаар, 07-нд Алтай, Хангай, Хөвсгөл, Хэнтийн уулархаг нутгаар ялимгүй цас, 08-нд нутгийн хойд хэсгээр, 09-нд говь, төв, зүүн аймгуудын нутгийн зарим газраар, 10-нд зүүн аймгуудын нутгийн зарим газраар цас орж, зөөлөн цасан шуурга шуурна.

Салхи:  9, 10-нд говь, тал, хээрийн нутгаар секундэд 7-12 метр, бусад хугацаанд ихэнх нутгаар секундэд 5-10 метр.

Агаарын температур: Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс, Байдраг голын хөндийгөөр шөнөдөө 34-39 хэм, өдөртөө 23-28 хэм, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 28-33 хэм, өдөртөө 14-19 хэм, Хангайн нурууны өвөр бэл болон говийн бүс нутгаар шөнөдөө 13-18 хэм, өдөртөө 1-6 хэм, бусад нутгаар шөнөдөө 20-25 хэм, өдөртөө 8-13 хэм хүйтэн байна. 8-нд нутгийн хойд хэсгээр, 9, 10-нд нутгийн зүүн хагаст хүйтэн байна.