Л.Оюун-Эрдэнийг тоссон гурван “даваа”

2022-1-3
1291

Шинэ он гарлаа. Нийтээрээ нижгэр тэмдэглэлээ. Гэвч өнөөх COVID19 цар тахал намжаагүй. Омикрон хэмээх шинэ хувилбар гарчихсан, улс орнуудад тархсаар байна. Дагаад дэлхийн эдийн засгийн их хямралын чимээ улам ойртон сонсогдож эхлэв. 

Гэхдээ Монгол Улсын хувьд өнгөрсөн 2021 он чамлахааргүй өгөөжөө хүртээсэн гэхэд болно.

Бид 2020-2021 онд шилжих “шинэ жил”-ийн өдрүүдийг COVID19 цар тахлын хатуу хөл хорио, айдас хүйдэс дунд өнгөрөөж байлаа. Он гараад ч цар тахлын тархалт нэмэгдсээр байв. Тэр сацуу засаг солигдож, одоогийн Ерөнхий сайд томилогдсон.

Улмаар хавраас цар тахлын эсрэг вакцинуулалт эхэлж, хөл хорио аажмаар суларсаар 2021-2022 оны шинэ жилийг жинхэнэ задгай тэмдэглэсэн нь энэ.

Одоо Онцгой комиссоос тогтоосон хөл хорионы дэглэм “улбар шар” гэх авч, бодит байдал дээр өнгөрсөн “ногоорчихсон” юм. Дэлгүүр хоршоо, баар сав гээд үйлчилгээний бүхий л газар хэвийн ажиллаж буй.

Энэ 2022 онд Монгол Улс юу туулах вэ гэдэг их сонирхолтой цэг дээр ирээд байна. Мэдээж хэрэг, дэлхий нийтээр өвчин зовлон, эдийн засгийн хүндрэл гээд таагүй явдал ихтэй. Түүний нөлөө бидэнд тусч л таарна. Гэхдээ өнгөрсөн онд, ялангуяа оны сүүлийн хагаст өрнөсөн үйл явдлууд, түүний үр дүн ийн анхаарал татаад байгаа юм.

Юу гэвэл, Үндсэн хуулиар урьд өмнөх Ерөнхий сайд нараас илүү эрх мэдлийг авсан одоогийн Ерөнхий сайд Л.Оюун-Эрдэнэ улс оронд болоод өөртөө тулсан цагийн шалгуурыг муугүй давчих шиг болсон юм.

Нэгдүгээрт, вакцинжуулалтыг маш сайн явуулсан. “...Үр дүн нь гардаг юм бол вакциныг хангалттай тарилаа” гэцгээж байв. Одоо ямар байгааг бид харж байна.

Хоёрдугаарт, “10 их наядын хөтөлбөр” хэрэгжүүлж, тодорхой үр дүнгүүд бас үзсэн. Гол “тоо” нь болох эдийн засаг -5.3 байсныг 3.4 хүртэл өргөжээ. Оны сүүлч гэхэд дээрх “10 их наядын хөтөлбөр” нь зургаан салбар бүхий “Шинэ сэргэлтийн бодлого” болон томорч, түүнийг УИХ 2021 оны сүүлчээр тогтоол болгож батлав.

Гуравдугаарт, Л.Оюун-Эрдэнийн Ерөнхий сайдын суудлыг хадгалж, улмаар Ардын намын даргаар баталгаажин сонгогдогдох гол шалгуур нь 2021 оны Ерөнхийлөгчийн сонгууль байв. Тэрбээр экс Ерөнхий сайд, намын даргаа Монгол Улсын Ерөн­хийлөгчийн сонгуульд ялуулсанаар замаа зассан гэхэд болно.

Дөрөвдүгээрт,Оюутолгойн хэлэлцээрийг Л.Оюун-Эрдэнээс салгаж ойлгох боломжгүй. ЗГХЭГ-ын дарга байхаас нь эхэлсэн энэ хэлэлцээрт 2021 оны сүүлч гэхэд Засгийн газар үндсэндээ ялалт байгуулсан. Хэдийгээр төгс биш ч гэрээ байгуулагдсанаас хойш хөрөнгө оруулагчдынхаа хувьд хамтрагч гэдгээ Монгол Улс мэдэрч авсан. 2021 оны арванхоёрдугаар сарын 13-нд хөрөнгө оруулагчдаас Ерөнхий сайдад ирүүлсэн саналыг он солигдохын өмнөхөн УИХ-ын тогтоол болгож баталсан юм.

Тавдугаарт, Дээрх хэдэн гол асуудал дээр “унаагүй” Л.Оюун-Эрдэнэ 2021 оны арванхоёрдугаар сарын 6-ны өдөр эрх баригч Ардын намын Их хурлаас намын даргаар сонгогдсон. Ингэснээр түүнд хуулиар авч болох бүх эрх мэдэл ирсэн.

Энэ бүхэн өнгөрсөн онд үлдсэн.

2022 он дөнгөж гарч байна. Тэгэхээр энэ онд Засгийн газрын тэргүүний чихэнд чийр болтол ярьсан олон бүтээн байгуулалт, “Шинэ сэргэлтийн бодлого” хэрхэн эхлэхийг нийтээр харж, хүлээж байна.

Үүний зэрэгцээ юу юугүй хаяанд ирчихсэн хүндрэлүүд бас бий. Үүд тогшиж байна гэхэд бараг болно.

Цар тахлын омикрон хувилбарт санаа зовохгүй байж болохгүй. Хоруу чанар багатай гэсэн сурталчилгаа багагүй явж байна. Мэргэжлийн байгууллагууд ч ийм мэдээлэл өгөөд байгаа нь зохисгүй. Бид анх яалаа даа. “...Олон зуун төрлийн эмийн ургамлаар хооллодог малын махаа идээд байхад цар тахал тусахгүй” гэж ярьцгааж яваад л яая даа гэтлээ халдвар авцгаасан. Олон давхар вакцин, бас халдвар аваад эдгэсэндээ эрдсэн монголчууд маскаа тайлж шидээд л шинэ жил тэмдэглэцгээлээ Нөгөөх нь ороод ирвэл одоо бид сэрэмжээ алдсан байгаа шүү.

Цар тахлаас дутуугүй хямраах бас нэг том асуудал бий. Үнийн өсөлт, төгрөгийн үнэгүйдэл буюу инфляцтай тулна. 2021 оны сүүлчээс бензин шатахуун, өргөн хэрэглээний барааны үнэ хөөрчихсөн. “...Баяраа тэмдэглэж байвал үхсэн ч яахав” гэдэг логиктой бид яаж ийгээд торт, шампаанскаа өндөр үнэ, урт оочер давж авч байгаад л өнгөрөөлөө. Ам.долларын ханшийг 2850 орчимд багагүй хугацаанд барив. Одоо үүнийгээ хэзээ мөдгүй алдана. Нэг алдвал юу болох бол?! Эдийн засагчид, мэдээлэлд ойр хүмүүс энэ талаар таатай зүйл хэлэхгүй байна. Тэгээд л инфляц гэдэг юм жинхэнэ галзуурна даа.

Түүнчлэн Монголын эдийн засгийн бүхэлд нь хямрааж, савлуулж байгаа ганц буруутан бий болоод байгаа юм. Тэр нь урд хил хаагдсан явдал. Учир начрыг нь ярихаар гээндээ ч, гоондоо ч гэдэг шиг Монголоос ч, Хятадаас ч шалтгаалдаг гэдэг.

Гэхдээ урд хөрш хүсвэл манийгаа шалтагт унагачихаад үүдээ түгжээд байхаа мэдэх байлгүй дээ. Тэгж ч байгаа аж. Гэхдээ урд хил нээлттэй байх нь бидэнд юу юунаас илүү чухал болоод байна. Сарын дараа Ерөнхий сайд Л.Оюун-Эрдэнэ Хятадад очиж Бээжингийн өвлийн олимпийн арга хэмжээнд оролцоно гэж мэдэгдсэн. Чуулган дээр түүний хэлсэн “...Олимп бол хүн төрөлхтний спортын наадам. Үүнийг улстөржүүлж болохгүй. Харин улс төрөөс хол байх ёстой” гэснийг Хятадын мэдээллийн агентлагууд онцолжээ. Харин энд Ерөнхий сайд Бээжингийн өвлийн олимпийн арга хэмжээнд очих нь чухал, учир нь энэ үеэр хил, боомтын асуудлыг ярих байх гэсэн хүлээлт үүсээд байна.

Эцэст нь хэлэхэд, омикрон, инфляц, хил гааль гэсэн гурван “даваа” Л.Оюун-Эрдэнийг тосч байна. Яаж шийдэхийг нь харж байя даа.

 

Б.ДАМДИН-ОЧИР

Эх сурвалж: “Зууны мэдээ” сонин






Шинэ мэдээ

Б.Ганхүү: Би охиноо амьд байгаагаар бодохыг их хүсдэг болохоор уран бүтээлээр суварга бүтээхийг зорьсон4 сар 27. 17:54Б.Ганхүү: Би охиноо амьд байгаагаар бодохыг их хүсдэг болохоор уран бүтээлээр суварга бүтээхийг зорьсон4 сар 27. 17:54"Австраличууд NAF-г бус багийг нь минороос хассан MongolZ-г дэмжих юм"4 сар 26. 19:06Ж.Энхбаяр “…Би үлдэнэ, та нар нүү” гээд яамныхнаа уурлуулжээ2024, 10 сар 28. 8:15Х.Баттулгын 2027 оны сонгуулийн бэлтгэл “Хүүхэд хөгжлийн карт”-аар эхлэв үү2024, 9 сар 24. 9:32Нүүрсний хулгайн “СЭЖИГТЭН” УИХ-ын Эдийн засгийн байнгын хороог удирдана2024, 9 сар 23. 15:07Шатахууны салбарт нэгэн арваныг эрхшээсэн “Трафигура”2024, 9 сар 23. 15:03Шахмал түлшний борлуулалт эхэллээ2024, 9 сар 15. 17:06Идэр голын цутгалд 12 000 жарамгай тавилаа2024, 6 сар 20. 17:50“Эрдэнэс Тавантолгой” ХК-ийн жилд 10 сая тонн нүүрс баяжуулах хүчин чадалтай үйлдвэр нээлтээ хийлээ2024, 6 сар 20. 17:40Өчигдөр орсон борооноор Налайх дүүрэгт 6 гэр, 3 байшин усанд автжээ2024, 6 сар 20. 17:36Зуслангийн автобус өнөөдрөөс үйлчилж эхэллээ2024, 6 сар 20. 17:34Байшин шатаж, хоёр хүний амь эрсэджээ2024, 6 сар 20. 17:33Ой хээрийн түймрийн улмаас АНУ-д онц байдал зарлалаа2024, 6 сар 20. 17:31"Старт-ап улсын уралдаан-2024" шилдгүүдээ тодрууллаа2024, 5 сар 29. 17:37АН-ын Улс төрийн зөвлөл 15:00 цагт хуралдана2024, 5 сар 20. 12:48НӨАТ-ын сугалааны азтанууд лхагва гарагт тодорно2024, 5 сар 20. 12:44Намууд өнөөдөр нэр дэвшигчдээ тодруулна2024, 5 сар 20. 12:36Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа2024, 5 сар 20. 12:07Монгол Улсын Ерөнхийлөгч У.Хүрэлсүх: Авлигын гэмт хэрэг үйлдсэн этгээдэд тохирох ял шийтгэл оногдуулж байх нь шударга ёсны зарчим2024, 5 сар 15. 17:24Монгол Улсын Ерөнхийлөгч У.Хүрэлсүх хоккейн үндэсний шигшээ багийн тамирчдыг хүлээн авч уулзлаа2024, 5 сар 15. 17:20Гэмт хэргийн бүлэглэлийнхэнд 1-16 жилийн хорих ял оноолоо2024, 5 сар 14. 15:24Б.Энхбаяр: Бид Ч.Сайханбилэгийн хаана байгааг мэднэ2024, 5 сар 14. 15:20Эверестэд авирсан Монголын хоёр уулчин сураггүй болсон талаар мэдээллээ2024, 5 сар 14. 15:16Ногоон автобусны сонсголыг энэ сарын 21,22-ны өдрүүдэд зохион байгуулна2024, 5 сар 14. 12:40

Фото мэдээ



©2024. УЛААНБААТАР ХОТ. МЭДЭЭЛЭЛ ХУУЛБАРЛАХ ХОРИОТОЙ.