Путин ач, зээ нартаа өгөх шинэ жилийн бэлгээ өөрөө  сонгоно

-ОХУ-ын Ерөнхийлөгч Путин: Би дэлгүүр хэсдэггүй ч шинэ жилээр зээ нартаа бэлгээ өөрөө  сонгодог-

ОХУ-ын Ерөнхийлөгч Владимир Путин шинэ жилийн баяраар ач, зээ нартаа бэлэг өгөх талаар ярьжээ.  Тэрээр  "Россия 1" сувагт ярилцлага өгөх үеэрээ дэлгүүр хэсдэггүй ч бэлгийг өөрөө явж  сонгодог гэдгээ  хэлснийг  РИА Новости мэдээлэв.

"Одоо ямар нэг зүйлийг олон аргаар сонгох боломж байна, би үүнийг өөрөө хийхийг хичээдэг,  бэлэг маань тэдэнд таалагдана гэж найдаж байна" гэж тэр онцолжээ.

Өмнө нь Ерөнхийлөгч Путин шинэ оны үдшийг хэрхэн өнгөрөөх  төлөвлөгөөнийхөө талаар хошигнохдоо  "Хайртай хүмүүстэйгээ сууж, шинэ жилээ тэмдэглэж, бас хажуугаар нь Ерөнхийлөгчийн үг, Ерөнхийлөгчийн мэндчилгээг  сонсоно" гэж хэлсэн  байдаг. 

12-р сарын 25-нд Ерөнхийлөгчийн хэвлэлийн нарийн бичгийн дарга Дмитрий Песков Оросын удирдагчийн шинэ жилийн төлөвлөгөөний талаар сэтгүүлчдэд мэдэгдсэн. Түүний хэлснээр, төрийн тэргүүн амралтаа төрөл төрөгсөдтэйгээ хамт өнгөрүүлэх ч зул сарын баярын долоо хоногт хэсэгчлэн ажиллах аж.

Жилийн өмнө Путин гэр бүлийнхээ тухай ярихдаа ""Миний хүүхдүүд улс төр, том бизнесээс хол, шинжлэх ухаан, судалгааны чиглэлээр ажилладаг.  “Би ач зээтэй, би баяртай байна. Тэд маш сайн, бас  үнэхээр эгдүүтэй "гэж ярьж байв.

Мөн тэрээр  ач, зээ нартайгаа харилцах дуртай ч аюулгүй байдлын үүднээс гэр бүлийнхээ тухай ярих дургүй гэдгээ хэлжээ. Мөн аль болох хамт байхыг хүсдэг ч тийм цаг зав байдаггүй гэжээ.