Д.Ганбат: Бид бүхэн Эрээнээс хамааралтай байна

УИХ дахь АН-ын бүлэг өнөөдөр хуралдаж, хэлэлцсэн асуудлын талаар мэдээлэл хийж байна.

УИХ дахь АН-ын бүлгийн дарга Д.Ганбат “Өнөөдрийн хурлаар гурван асуудал хэлэлцлээ. Өнгөрсөн долоо хоногт Хүний эрхийн өдөр тохиосон. Монгол Улс хүний эрхийн түгээмэл тунхаглалд нэгдсэн орон. БНСУ-д манай улсын 13 настай охин хүчирхийлэлд өртсөн гэх мэдээлэл олон нийтийн сүлжээнд гарсан. Долдугаар сараас хойш тухайн хүүхэд хүчирхийлэлд өртөж байсаар саяхан л БНСУ-ын хэвлэл мэдээллээр гарснаар ил болсон. Эл асуудлыг УИХ-ын чуулган дээр асуудал болгон тавьсан. Монгол Улс нэг ч гэсэн иргэнийхээ төлөө анхаарал тавьж, хүний эрхийн талаар байнга дуугарч байх хэрэгтэй. Энэ дагуу ГХЯ-наас зохих мэдээллийг авлаа. Иргэдийн эрхийг зөрчүүлэхгүй байхыг тэргүүн зорилт болгон ажиллах ёстой.

МАН Азид анх удаагаа байгуулагдсан нам гэж өөрсдийгөө ярьдаг. Саяхан 100 жилээ тэмдэглэлээ. Ийм өргөн уудам нутагтай улс орны иргэд гадаадад ажиллаж байна гэдэг шившиг. Энэтхэгт 600 гаруй хүүхэд шашны чиглэлээр сурдаг юм байна. Гадаадад сурдаг хүүхдүүдэд хувьсах зардал өгч байна уу. БНСУ-тай нислэгээ хэвийн болгооч ээ. Гурван иргэн эерэг гарвал тэр нислэгийг зогсоодог юм байна.

АН-ын бүлэг гишүүд хил гааль, боомтын асуудлыг шүүмжилж ярилаа. Бид бүхэн Эрээнээс хамааралтай байна. Өнгөрсөн долоо хоногт хоёрхон чингэлэг орж ирсэн. Гашуунсухайт, Шивээхүрэн боомт хэвийн ажиллаж чадахгүй байгаа тухай мэдээлэл өгч байна. ” гэлээ.