"Хүүхдүүдтэй зүй бусаар харьцсан багшийг цалингийн 20 хувиар торгоод зогсохгүй"

Архангай аймгийн Эрдэнэбулган сумын цэцэрлэгийн багш хүүхдүүдтэй зүй бусаар харьцаж буй бичлэг арванхоёрдугаар сарын 2-нд цахим сүлжээнд цацагдсан. Цэцэрлэгийн удирдлагууд хариуцлага алдсан багшид  сануулга өгч, цалингийн 20 хувиар тогтох арга хэмжээ авсан. Үүнийг БШУЯ-наас цэцэрлэгийн хүүхдүүдтэй зүй бусаар харьцсан багшийг цалингийн 20 хувиар торгоод өнгөрөх биш, ёс зүйн дүрмийн хүрээнд хариуцлагын арга хэмжээ авагдана гэсэн юм. Учир нь ерөнхий боловсролын сургууль, цэцэрлэгийн багш ажилчдын ёс зүйн дүрэмд энэ талаар заасан байдаг.  Ёс зүйн хариуцлага алдсан хүмүүст тухайн орон нутгийн удирдах ажилтны ёс зүйн зөвлөлөөс  нөхцөл байдлаа шалгаж, хэлэлцэж, шийдвэр гаргах аж.

Мөн БШУЯ-ны СӨБ-ын хэлтсийн дарга Ж.Мягмар цэцэрлэгийн багшийг мэргэжлийн дипломтой байсан эсэхэд хариулт өгсөн юм. Тэрбээр"Архангай аймгийн цэцэрлэгийн багшийн хувьд цэцэрлэгийн багшийн техникумыг 1987 онд төгсөж, бакалаврын зэргээ 2008 онд авсан. Үндсэн диплом баримт бичиг нь хуурамч биш. Манай бүртгэлийн санд орсон мэргэжлийн цэцэрлэгийн багш гэсэн үг.

Харин цэцэрлэгийн эрхлэгч, арга зүйч нар бага ангийн багш мэргэжлээр Архангайн их сургуулийг дүүргэсэн. Цэцэрлэгийн багшийн диплом нь хуурамч байна гэдэг нь яамны мэдээлэл, удирдлагын системээс шүүхэд нотлогдсон. Багш биш цэцэрлэгийн захирал, арга зүйч хоёрын СӨБ-тэй холбоотой диплом нь хуурамч байна гэх дүгнэлт гарсан." гэлээ.