Дархан хотноо энэ сарын 4-6-ны өдрүүдэд шайбтай хоккейн залуучуудын улсын аварга шалгаруулах тэмцээн зохион байгуулагдлаа.
Тэмцээнд Улаанбаатар хотын Отгон-Од клубийн “Бласт”, “Хөх чононууд”, Сэлэнгэ аймгийн Бугант тосгоны “Сэлэнгэ-Бугант”, Дархан-Уул аймгийн “Дархан”, Эрдэнэт хотын “Хангаръд”, Золбоот тамирчид клубийн “Шарын гол” гэсэн 6 баг өрсөлдсөн юм.
Улмаар алтан медалийг ОУХМ Ж.Баярсайхан, ОУХМ М.Батболд дасгалжуулагчтай Л.Бодьхүү ахлагчтай Отгон-Од клубийн “Бласт” баг хүртэж, клубийнхээ 20 жилийн ойн босгон дээр 18 жилийн дараа аваргын цомыг дахин өргөлөө.
Мөнгөн медалийг энэ тэмцээнд сүүлийн 2 жил түрүүлсэн Золбоот тамирчид клубийн “Шарын гол” баг хүртсэн бол хүрэл медалийн эздээр “Эрдэнэт үйлдвэр”-ийн “Хангаръд” баг шалгарчээ.
МХХ-ны залуучуудын УАШТ анх 2003 онд зохион байгуулагдаж, анхны тэмцээний аваргаар Отгон-Од клуб тодорч байсан түүхтэй. Үүнээс хойш энэхүү тэмцээн хэсэг завсарласан. Харин сүүлийн 4-н жил ийнхүү тасралтгүй зохион байгуулагдаж байна.
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
