Улаанбаатарт хүнс хаана хамгийн хямд байдаг вэ?

Хүнс зах дээр илүү хямд, супермаркетэд илүү үнэтэй байдгийг бид мэддэг. Гэхдээ захын үнэ зорьж очихуйц хэмжээний бага байдаг уу? Мөн супермаркетэд зах дээрээс ч хямд бүтээгдэхүүн байдаг уу гэдгийг төдийлөн мэддэггүй. Тэгвэл дата мэдээлэл энэ асуултад яаж хариулахыг харцгаая.

Хүнсний ногоогоо Emart-аас, махаа M-Mart-аас

Захад бүх бүтээгдэхүүн хямд биш. Emart-ын хүнсний ногоо дунджаар бүх газраас хямд байна.

Махан бүтээгдэхүүний хувьд M-Mart хямд дэлгүүр. Тэндэхийн хонины махны үнэ Хүчит Шонхорынхтой ижил гээд бод доо. Гэхдээ M-Mart ойрхон байхгүй бол бусад супермаркетын махны үнэ аль ч захынхаас хамаагүй өндөр юм шүү.

Дээрх 8 бүтээгдэхүүнийг захаас авбал үнэ нь дунджаар 25%-иар бага байх юм. Иймд завгүй байгаа бол захаас очиж бүх хүнсээ авбал зардлаа 25%-иар бага байлгаж чадах ажээ.

Супермаркетуудын үнэ: ₮999.99

Захтай харьцуулбал супермаркетууд харьцангуй их 9-өөр төгссөн үнэ тавьдаг аж. Хамгийн их сэтгэл зүйн үнийн тоглолт хийдэг газар бол Номин. Номинд тэгээр төгссөн үнэтэй бараа олох гэж та зовно гэсэн үг. Гэхдээ Оргил, Emart удаах байр эзэлж, нэг их ялгаагүй үр дүнг харуулж байна. Харин захууд, тэр дундаа Бөмбөгөр худалдааны төв тэгээр төгссөн, бүхэл үнэ тавих дуртай ажээ. 

                                                                                                        Эх сурвалж: LemonPress