Их Британчууд төв талбайнхаа гацуур модны мөчрийг Борис Жонсоны үстэй жишив

Их Британи улс  шнэ жилийнхээ гол гацуурыг Норвеги улсаас авчирч Лондон хотын Трафальгар талбайд засаж чимэглэдэг уламжлалтай. Харин энэ 2021 оны гацуурыг  титэм нь нимгэн хэмээн шүүмжилж,  Ерөнхий сайд Борис Жонсоны үсний засалттай зүйрлэсэн тухай ВВС мэдээллээ.

Норвеги улс 1947 оноос хойш жил бүр британичуудад дэлхийн хоёрдугаар дайны үед Их Британи улс дэмжлэг, тусламж үзүүлсэнд талархаж буйн илэрхийлэл болгон гацуур илгээдэг юм.  Баярын мод 20 гаруй метр өндөрт хүрдэг.

Харин энэ жилийн гацуурыг оршин суугчид Ерөнхий сайдынхаа үсний засалттай зүйрлэж, зарим хэрэглэгчид модны зарим хэсгийг л нийслэлд авчирсан тухай шоглож,  үлдсэн мөчрийг нь хэзээ авчрах бол гэсэн яриа гаргаад амжиж.  Бүр зарим нэг нь үүнд итгэж "Бурхан минь, энэ мод өлгөдөг юм уу?" - гэж эндүүрсэн бололтой. 

Харин орон нутгийн эрх баригчид уг модыг жинхэнэ ойгоос авчирсан тул титэм нь зориудын  ургуулсан мод шиг сэвсгэр байх боломжгүй гэдгийг  тайлбарлажээ.  

Жо Байдены АНУ-ын ерөнхийлөгчөөр  сонгогдоод анх удаа засаж чимэглэх гэж байгаа  гацуур мод нь тус улсын төсөвт 139 мянган доллар туссаныг өмнө нь TMZ шар хэвлэл мэдээлж байв.  Гэхдээ энэ нь 2019 оныхоос бага үнэтэй байгаа юм .