Б.Ундрам: "Байгаль орчны мэргэжилтнүүдийг чадавхжуулах сайн хөтөлбөртэй болно"

 

Байгаль орчны мэргэжилтнүүдийг чадавхжуулахад шаардлагатай богино хэмжээний сургалтын хөтөлбөрийг боловсруулах үүднээс салбар салбарын мэргэжилтнүүдийг оролцуулсан сургалт семинар боллоо. Сургалт семинарт оролцож буй эрдэмтэн мэргэжилтнүүдийн сэтгэгдлийг сонслоо.

Б.Ундрам (БОСШТ-ийн Судалгааны Албаны дарга) : Байгаль орчны чиглэлийн мэргэжилтнүүдийг чадавхжуулах нь бидний зорилго юм.

Байгаль орчны судалгаа шинжилгээний төв дээр гурван өдрийн арга хэмжээг зохион байгуулж байна. Энэ арга хэмжээний хүрээнд байгаль орчны чиглэлээр үйл ажиллагаа явуулдаг мэргэжлийн байгууллагуудын мэргэжилтнүүдийг чадавхжуулах чиглэлд сургалт семинарыг хөтөлбөрийг боловсруулахаар салбар салбарын мэргэжилтэн эрдэмтэд, сайн туршлага хуримтлуулсан компаниудын төлөөллийг оролцуулсан сургалт семинарыг явуулж байна. Энэ сургалт семинарын гол зорилго нь бол сайн хөтөлбөрийг боловсруулахад чиглэж байгаа юм.

С.Туяа (ШУТИС-ийн ХШУС-ийн Физикийн тэнхимийн багш, Доктор) : Судалгааны үндэслэл дээр үнэлгээгээ хийхэд мэргэжилтнүүдийг чадавхжуулна

 

Өнөөдөр хүрээлэн буй орчны сургалтын төв дээр 3 хоногийн сургалт семинар болж байна. Өнөөдрийн салбар хуралдаанаар усны асуудлыг авч хэлэлцлээ. Ерөнхийдөө усны салбарт ажиллаж байгаа мэргэжилтнүүдийн чадавхыг сайжруулах шаардагатай байна гэдэг дээр нэгдээд ямар судалгаа явагдаж байна, юу дутагдаж байгаа юм гэдэг талаас нь ярилцаж хэлэлцлээ. Өнөөдрийн семинарт бол би усны судалгааны мэргэжилтнүүдэд зайнаас тандан судлалт газар зүйн мэдээллийн системийг яаж ашиглах, хэрэглэх чадавхыг эзэмших ёстой юм вэ талаар санал бодлоо илэрхийлсэн илтгэл тавьж хэлэлцүүллээ.

 

Хөдөө орон нутагт маш их тоон мэдээлэл цуглачихсан байдаг. Тэрийгээ боловсруулах харилцан бие биетэйгээ шэйрлэх бодит үр дүн гаргах, ногоон хөгжлийн бодлого төлөвлөлтөд үүнийгээ бодит судалгааны үндэслэл дээр үнэлгээгээ хийхэд мэргэжилтнүүдийг чадахжуулна гэсэн  өнөөдрийн үйл ажиллагаа чухал ач холбогдолтой гэж үзэж байна.