Эл Сальвадор бол биткойныг хууль ёсны мөнгөн тэмдэгт болгон ашиглахыг зөвшөөрсөн анхны улс юм. Харин одоо тэд криптогийн зах зээлд суурилсан бүхэл бүтэн хот босгохоор төлөвлөж байна.
Тус улс 10 жилийн хугацаатай 6.5%-ийн хүүтэй $1 тэрбумын биткойноор баталгаажсан бонд гаргаж байгаа юм. Эл Сальвадор санхүүжилтын эхний $500 саяар хотоо барьж эхлэх бол үлдсэнээр нь биткойн худалдаж авна гэнэ.
Тэд дижитал валютыг их хэмжээгээр худалдаж авахад биткойны зах зээлийн ханш өснө гэж итгэж байгаа ба 5 жилийн турш биткойноо зарахгүй барих юм. Ийнхүү биткойны үнэ тасралтгүй өссөөр 5 жилийн дараа гэхэд $1 саяд хүрнэ гэж тооцоолоод бонд гаргана гэнэ дээ.
Хотыг зураглавал зоос шиг дугуй хэлбэртэй баригдах тус хот галт уулын дэргэд баригдах ба тэндээсээ эрчим хүчээ авах юм. Мөн хотын иргэд нэмүү өртгийн албан татвараас өөр ямар ч татвар төлөхгүй гэнэ.
Орлогын татвар, үл хөдлөх хөрөнгийн татвар, захиргааны татвар бүгд bye.
Бүх зүйл биткойны ханшаас хамаарна.
Бондынх нь өгөөж 10 жилийн дараа 146% болно гэж тооцсон нь биткойны үнэ ирээдүйд асар хурдтай өснө гэсэн итгэл дээр л суурилж байгаа юм.
И. Шинэбат
УКРАИН: Дайнд 85 хүүхэд амь үрэгджээ. Дайн хүүхдийн нүдээр /гар зураг/
27 сая хүн амтай Тайвань улсын "HUR" охидын хамтлагтай гэрээ байгуулсан Б.Сарантуяа
Говьсүмбэрчүүд эх нутгийнхаа ногоон ирээдүйн төлөө 5 сая мод тарина
ФОТО: ОХУ Украины Мариопуль хотын төрөх эмнэлгийг бөмбөгдсний дараах байдал
