Британийн вирус судлаач коронавирусын дельта омог "өөрийгөө устгадаг" гэдгийг үгүйсгэв 

Коронавирусын дельта омог өөрийгөө устгаагүй, харин орон нутгийн засаг захиргаанаас авч хэрэгжүүлсэн вакцинжуулалт, эрүүл ахуйн арга хэмжээний улмаас Японд өвчлөл буурсан гэдгийг  Британийн Ридингийн их сургуулийн вирус судлалын профессор Иан Жонс тодотгожээ. 

Өмнө нь Японы  Үндэсний генетикийн хүрээлэнгийн профессор Итуро Иноуэ  коронавирусын  дельта омог өөрөө  өөрийгөө устгасаны улмаас  Японд COVID-19-ийн тохиолдол буурсан гэж мэдэгдээд байгаа юм.  Эрдэмтэд энэ дэд зүйл нь коронавирусын дельта омгийн байнгын  мутацийн улмаас алга болсон гэж үзэж байна.

Профессор Жонс вирус нь зөвхөн Японд л өвөрмөц байдлаар мутаци хийх боломжтой гэсэн таамаглалыг няцаасан бөгөөд бусад олон оронд ижил төстэй нөхцөлд байгаа гэдгийг хэлжээ. Т үүний хэлснээр SARS-CoV-2 коронавирус нь байнга мутацид ордог бөгөөд үүний нэг хувилбар болж  дельта  вариант гарч ирэхэд хүргэсэн юм.

Гэсэн хэдий ч вирусын мутацийн боломж хязгаарлагдмал тул эцэстээ хүмүүст халдварлах чадвар нь хүн амын дархлаатай тохирч байх хэлбэрт хүрнэ гэж шинжээч тэмдэглэв. "Бид коронавирусын бүх омгийг аль хэдийнэ туулж үзсэн байж магадгүй бөгөөд дельта нь бидний анхаарах хамгийн чухал хувилбар нь байж магадгүй юм. Гэхдээ вирусын хувьсал ямар ч замаар явсан хамаагүй, энэ нь зөвхөн Японд хамаарахгүй" гэж Британийн вирус судлаач хэлжээ.