Элон Маск хувьцаагаа хэрхэн зарав

Элон Маск баасан гарагт дахин Теслагийн 1.2 сая ширхэг хувьцааг дунджаар 1030 долларын үнээр зарсан байна.

Энэ нь түүний долоо хоногт нийт 6.4 сая ширхэг хувьцааны борлуулалтыг 6.9 тэрбум ам.долларт хүргэжээ.

Гэсэн хэдий ч энэ нь түүний шууд эзэмшдэг хувьцааны 4% -иас бага, эсвэл нэмэлт хувьцаа худалдаж авах бүх сонголтыг оруулбал 3% -иас бага дүн аж.

Маск долоо хоногийн өмнө твиттерт санал асуулга явуулж, татварын хариуцлагаа нэмэгдүүлэхийн тулд өөрийн эзэмшлийн 10 хувийг зарах уу гэсэн санал асуулга нийтэлсэн бөгөөд хариулсан хүмүүсийн 58 хувь нь тийм гэж хариулжээ.

Тэрбээр хамгийн том хувьцаа эзэмшигч учир энэ долоо хоногт түүний хувьцааны борлуулалт нь Теслагийн хувьцааны үнэ цэнийг хувьцаа эзэмшигчид, тэр дундаа өөрийнх нь хувьд унагасан юм.

Элон Маск энэ долоо хоногт Tesla (TSLA)-ийн хувьцаагаа дараах байдлаар заржээ.

Даваа: 934 мянган ш хувьцааг $1.1 тэрбумаар

Мягмар, Лхагва: 3.6 сая ш хувьцааг $4 тэрбумаар

Пүрэв: 640 мянган ш хувьцааг $687 саяар

Баасан: 1.2 сая ш хувьцааг $1.2 тэрбумаар

Ийнхүү Элон нийт 6.4 сая ширхэг хувьцааг $7 тэрбумаар зараад байгаа юм.

Зарах болсон шалтгаан

Тэрбээр 2012 онд 22.8 сая ширхэг Tesla-ийн хувьцааг $6.24-аар худалдан авах опцион гэрээг цалин урамшуулал болгон авч байжээ. Харин уг гэрээний хугацаа нь ирэх жилд дуусах ба Элон Маск гэрээ дуусахаас өмнө опцион гэрээний эрхээ хэрэгжүүлэх (exercise)-гүй бол эдгээр хувьцааг худалдан авах эрхгүй болох юм.

Гэвч тэрбээр гэрээний эрхээ хэрэгжүүлэх юм бол хэрэгжүүлсэн үеийн ханш болон $6.24-ийн зөрүүгээр дор хаяж 40-50%-ийн татвар төлөх шаардлагатай. Ийм учраас л Элон энэхүү их хэмжээний татварыг төлөхийн тулд хувьцаагаа зарж буйгаа мэдэгдлээ.

И.Шинэбат