Египетийн Асуан муж  хилэнцэт хорхойн довтолгоонд өртжээ

Египетийн Асуан мужид нэг өдөрт 500 гаруй хүн хилэнцэт хорхойд хазуулсан байна. Энэ тухай тус улсын Эрүүл мэндийн сайдын үүрэг гүйцэтгэгч Халед Абд аль-Гаффа мэдэгджээ. 

"Асуаны мужийн 503 иргэн хилэнцэт хорхойд хазуулсан.  Шаардлагатай эм тариаг хүлээн авсан. Хилэнц хорхойд хазуулснаас болж нас барсан тохиолдол бүртгэгдээгүй" гэж тус улсын Эрүүл мэндийн яам мэдэгдэв.

Тус муж ингэж хилэнцэт хорхойн довтолгоонд өртсөн нь байгалийн хүчин зүйлээс шалтгаалжээ.  Тодруулбал,  их хэмжээний бороо орсны улмаас  шавьж хорхойнуудын нүх усанд   эвдэрчээ. Үүний улмаас орон сууцны байшингийн ойролцоо байсан  хилэнцэт хорхойнууд хаа сайгүй тархаж хүмүүсийг хазсан гэж тэд мэдээлжээ.

Сайд Халед Абд аль-Гаффын хэлснээр, Египетийн бүх эмнэлгүүдэд хилэнцэт хорхойд хазуулсан тохилдолд хэрэглэх эмийн хангалттай нөөц бий. Тухайлбал, Асуан мужид 3350 тун эмийн  нөөц байна гэжээ.

Египетийн өмнөд хэсэгт хур тунадас орж, энэ нутагт ховор тохиолддог мөндөр орсны улмаас нүх, үүргүй болсон  амьтад ийнхүү хүн рүү довтлох болжээ. Мөн цаг агаарын нөхцөл байдлын улмаас таван байшин эвдэрсэн байна.

Хүмүүс иймэрхүү шавьж хорхойны довтолгоонд өртөх нь нэг биш. Үүнээс урьд Азиас дамжиж зөөврлөгдсөн асар том хортой аалзнуудын довтолгоонд  АНУ-ын Жоржиа муж өртөж байв.  Энэхүү Trichonephila clavata аалз нь байшин, цахилгааны шугамыг  аалзны тороор бүрхдэг бөгөөд  тэрхүү тор нь бүр 3м-ийн гүн хүрдэг байна

Эх сурвалж: Lenta.ru